作者：張家豪 – 特許技術分析師（CMT），中順證券投資經理。熱愛羽毛球。
虛擬貨幣 是潮流定趨勢？
2018年開局港股氣勢如虹，首日升穿30,000點後，不斷創新連升紀錄。時隔11年後，今年是否會再出現港股大時代？
不過，無論港股如何大時代，都不及另一個大時代──虛擬貨幣。於執筆之時，整體虛擬貨幣市值已從年初計上升超過15%，並創出新高。然而，市值最大，最為人熟知的比特幣（Bitcoin）卻是無升跌，而目前約14,000美金的水平，比最高近20,000美金，仍下跌了30%。到底發生了甚麼事？
即係話，投資者已經發現虛擬貨幣的世界原來並唔係只得比特幣值得投資，原來仲有好多比比特幣更好的項目。更重要的是，愈來愈多的投資者，開始相信虛擬貨幣及區塊鏈的價值，並真金白銀付諸行動。
虛擬貨幣的老二以太幣（Ether）去年上升超過100倍，今年開年至今已上升80%。老牌菲林整造商柯達，上星期公布將推出自家的區塊鏈項目後，兩日內由3元升上10元。一年升100倍，2日升2倍，呢啲係唔係泡沫？最好係，如果唔係你又錯失一個發達機會。
去年年中的時候，我寫過一篇文章，指很多投資虛擬貨幣的人，都不知道虛擬貨幣是甚麼，區塊鏈又是甚麼，只是跟潮流炒作，最後結果只會損手收場。但原來，未了解便認定別人是潮流而唔跟，一樣係錯，還要錯失趨勢。
所以，最後我的建議是甚麼？大家最好買一些虛擬貨幣，一來買個保險，二來迫你去關心虛擬貨幣到底係咩嚟。
