作者：Josephine Lau – 天下沒有醜女人，只有懶女人，遺忘的美麗，由內到外，重新啟動
逆齡由飲食做起
台灣最近有一則報道，講一名30歲嘅台灣女子，日日都飲一杯珍珠奶茶，最終皮膚出現提早老化，同50歲嘅女士一樣，足足老咗20年！先唔好講話到底係咩成分令到佢皮膚變成咁，淨係日日都用力去啜個飲管，其實就已經好易做成嘴邊附近嘅皺紋出現，睇到日本啲婆婆點解嘴邊嘅紋特別深，就係食拉麵時要啜到「雪雪聲」嘅後果，同一道理用咁大支飲管啜「珍珠」，一樣會中招！
咁到底日日飲珍珠奶茶變老20年係發生咩事？最大原因就係糖！攝取過多糖分除咗令我哋容易有糖尿病之外，對皮膚嚟講都係一大敵人，因為過多糖分會釋放唔好嘅自由基（Free Radical，又稱游離基），影響皮膚代謝，仲會加速膠原蛋白流失，仲要好易肥㖭呀！所以好甜食嘅朋友就要多加留意。
世界衞生組織12年來首次更新糖分攝取指引，成年人每日攝取的熱量中，來自糖分的熱量減為少於5%，即少於25克或六茶匙。糖分隱藏喺好多加工食物，例如一湯匙茄汁相等於一茶匙糖；早餐穀物片為吸引兒童進食，會加入很多糖；一罐普通汽水更含有約七茶匙糖，即日飲一罐汽水已超標，各位讀者要留意啦！
