作者：EC執 – 全職注冊中醫師。新城財經台（重新睇健康）環節（
我很串，但我很善良。
我自認很串，但我串得起，因為我付出了真心去對待身邊的人。所以其實我很善良。
一個病人來求診。因為佢咳。所以我叫佢戒口，唔好食橙。我出於真心對佢。但病人同你講，ec：我聽人講炖橙可以止咳。跟住我會好串咁同佢講。你去搵教人炖橙果個人去幫你醫就得啦，洗乜搵我。我出於善心，唔想你咳，叫你戒口唔好食橙，但你同我講人地叫炖橙可醫好。我唔串你串邊個？
同樣股票市場上，我都有好串的一面。每當我好認真去分析一隻股票，總結值博率後，如認為超值，我就會買入。如有人問我點解買，我會將我的分析一一講解。好啦，如有人買完，但股價一路跌，佢地就會好驚，跟住問我點算。我會好串地叫佢賣左去。因為佢眼前的祇有股價的上落。佢無將我點解買入的重點放入腦內。既然買得唔安心，當然最好的做法係賣左去。
近日有隻識跌唔識升的股出了消息。即時有人歡喜有人愁。佢就係國際建投（00687）。依隻股上年1供2供股價4.08。當時溢價供股，最後當然大股東包銷食晒。供股後一路跌。但10月收購左。被收購的公司當時願意有股唔要錢，仲要是溢價26.32%即4.08接687的貨。（當時股價3.2左右）
昨天再有通告，發6.61億可換股債。年息六厘，換股價4.08。溢價比現價高72.88%。
睇淡的人第一時間就講，687缺水。但我睇到的687係佢示人以弱。第一：如想人供要錢的，點解要溢價供股？溢價供不如市場買。第二：想人供，點解知己包銷而唔搵出面券商包銷？第三：上年10月以股代現金被收購的公司，點解要股唔要錢？點解唔以市價3.2的股而要溢價4.08接佢貨？第四：最新發cb換股價72.88%溢價。買的人係唔係又係傻的，因687如好唔掂。6億幾凍過水。
所以在結合溢價供股，自己包銷，發行溢價股票代現金收購。發行高溢價可換股債總總不尋常表現。有理由相信，國際建投係傻的，以溢價接687股票唔要現金的公司係傻的，現大溢價接687的可換股債券的人係傻的。唔爭在我都傻埋一份。善良地趁687國際建投示人以弱的現價2.36買入。就因海航個名，他日很串地要佢十倍奉還。如買入後再跌問我點算好？我還是那樣很串地答，賣左去。因我在4.08以下接貨係傻的。他日升到4.08以上買的人先唔傻。
【權益披露：本人持有國際建投股份】
