作者 : 沈寧（Eric），飲食狂人，食盡天下奇珍異饈。
西班牙新派餐廳La Postre
西班牙新派餐廳La Postre一向以超靚造型甜品及創意西班牙菜見稱，深受大家愛戴。最近，他們更開設了第四間分店，進駐元朗，店內裝潢像歐陸小館，以半開放式雅座而且更推出特色甜品蛋糕，以蟹為主題，打造多款新品！
滋味推介
醋積海鮮
用紅酒醋及油醋混製，將龍蝦、章魚、帶子及赤蝦等組成至強的「醋積海鮮」。冰涼的爽脆海鮮，開胃醒神，配一杯白酒更是錦上添花。
香辣蒜片海螺松葉蟹
以欖油烹調蟹腳及花螺，混以特別的自家製調味，少少辣味配以蒜蓉多士佐食，口感非常過癮。
香烤帝王蟹腳
出名名貴的俄羅斯帝王蟹腳，以烤爐焗製。上枱時，香味撲鼻，啖啖肉蟹味濃，必食推介！
金沙麵包蟹
廚師以黃金蝦作靈感，以蛋黃「加入」麵包蟹膏中，惹味非常，食落滿口膏蟹，蟹迷必試！
海鮮冷盤
海鮮冷盤集合新鮮海膽、龍蝦、帝王蟹腳及松葉蟹肉，是「海鮮控」的encore之作。
黑松露黑毛豬豬扒
誠意推介其中一道fusion菜式。調料落足心機，牛肉汁混以黑松露做搭檔，雙重的味覺衝擊。蛋黃醬薯條及酸薑帶子冷盤做伴菜，開胃又滋味!
