作者：三位財策美女除咗好動無時停之外，仲好鍾意食嘢，為咗美食，實行食咗先減，誓要約埋三五知己周圍搵美食。
尖沙咀嘆海景自助餐
休閒嘅星期六，瞓到晏晝，係時候食個Brunch。今次嚟咗尖沙咀嘅一間餐廳，咁好天，當然要坐外面感受一下天氣，有風景又有太陽，一嚟到Waiter就放下佢哋自家製麵包，包焗得脆卜卜，搽上牛油食，好好味吖。
食完個包之後，係時候出到去食自助餐。有牛扒又有豬腰食，個豬腰值得推介，有專人為你服務。當佢切落去嘅時候聽到脆卜卜嘅聲音，食落外層非常有口感，皮上仲有黑胡椒調味，加上咬落肉汁鮮嫩，嚟到一定要試！
現場有長枱沙律吧，當中嘅蘑菇、黑松露蛋沙律都值得一試。蘑菇非常Creamy，黑松露蛋嘅黑松露足滿喺個口度。Yummy！
除咗沙律吧之外，仲有個主菜可以揀。有牛、有豬、有魚又有雞任君選擇。聽說以前可以只選擇沙律吧，雞仔肚嘅我其實只係食沙律吧嘅嘢食已經足夠。
係時候食甜品啦！（啱啱又話好飽嘅？）甜品係第二個胃㗎嘛。沙律吧都有甜品，不過我見到對面嘅雪糕比較吸引，忍唔住過咗對面食蜜瓜雪糕。一般蜜瓜同佢哋嘅蜜瓜冇得比。日本嘅比較甜同多汁，加上軟雪糕，其實又幾好味Wo。同時都好多人排隊，舖頭除咗有蜜瓜雪糕買之外，仲有金箔軟雪糕等等。完咗後去Party Lu！！（Toby）
想知更多美食，Follow我的Instagram：Toby_hendrickss
