作者 : KK x Suki， 兩位財策美女除咗好動無時停之外，仲好鍾意食嘢，為咗美食，實行食咗先減，誓要約埋三五知己周圍搵美食。
旺角最IN的東南亞餐廳
在旺角新舊樓宇林立，舊住宅樓宇地舖物業代理為主的上市公司，業務焦點集於商廈、工廈及零售店舖租售服務。美聯工商舖擁有專業測量師多為商店或餐廳，也是香港著名的旅遊和購物區之一。新商場The Forest，開咗間新嘅東南亞餐廳「青花」，據說係藝術甜品店ATUM的另一新餐廳，是近年潮流最IN的餐廳，一大片綠色佈置，即刻同朋友講要去試下！
去到餐廳門口已見到一大片綠色植物牆，而且餐廳環境頗闊落，周圍仲佈置咗好多綠色植物，充滿熱帶悠閒氣息。樓底高感覺也較為舒適，連枱櫈都滿有質感，很有時代感。餐牌雖然只得一頁，但有齊沙律、小食、飯、麵、主菜、全日早餐、甜品和飲品等，價錢屬中價位。部分菜式走新派路線，最吸引美女們莫過於係小食同甜品。
一坐低，我們就立刻叫了奶蓋，飲落質感濃稠，陣陣嘅芝士味頗為突出，喜歡飲港式奶茶嘅我認為可以再濃一點，整體驚艷度還好。平時最鍾意食沙律，看見餐牌上西瓜沙律就忍唔住試，一粒粒西瓜波可以配上旁邊的梅子粉或椰糖食，梅子粉食落酸酸甜甜之餘，更令西瓜更香甜。看見甜筒杯裝住份量不少嘅炸雞，炸雞肉質頗嫩滑，可惜外皮唔夠脆，蘸上柚子梨醬，味道酸酸甜甜幾開胃。正餐我哋叫了一份金邊粉，呢份金邊粉驟眼望落隻碟就大，但份量較細。另有配腰果和花生碎同四隻爽口大蝦。拌勻黎食，金邊粉質感還可以，影完相夾起都唔會成撮起，可惜味道太淡，只有微微酸味，有點失望啊。
最後就是不能不吃的甜品，身為花生控，一見到「花生」呢組字眼已經鎖定必叫！一碟上來賣相又幾得啵，中間係花生葩菲，旁邊放咗一堆爆谷仲加咗焦糖醬。主角花生葩菲質感好似啱啱喺雪櫃拎出嚟嘅雪糕，比較厚實，食落尚算幼滑，而且花生味後勁凌厲，好啱我口味，爆谷都淪為配角了。
整體嚟講，甜品的味道和價錢都較性價比高，鹹食方面還可以，但仍有進步空間。另外，店員服務態度不錯，會主動加水、收碟和換碟，我們坐了一陣才說要換位置店員的態度也很客氣。
（Suki)
