作者：微信投資幫
男人有錢就身痕
「男人有錢就身痕」，不過小妹認為呢句說話大部分套用於普通男人身上，如果你係勁知名人士，相信都唔夠膽行差踏錯，所以都會選擇「追求夢想」，表面是圓自己一個夢，實際是要任性一下。好似國際知名巨星馬雲，佢早前就拍了套微電影《功守道》，馬雲是電影的老闆兼主角，李連杰、洪金寶、甄子丹、吳京等華人最著名嘅頂級動作巨星就做配角。電影主角都撈埋，其實馬雲早早就有鋪扮野癮，於阿里巴巴（NYSE：BABA）的年會上，馬雲都會以不同造型現身表演，上年就以獨特造型登場，變身米高積遜（Michael Jackson）表演經典舞步令全場High爆，再之前曾以白雪公主及Lady Gaga等造型現身表演，更成為網絡熱話（小妹覺得造型有十分，其中驚嚇佔八分）。
其實呢類領導人物扮鬼扮馬都唔係新鮮事，自小妹懂事以來，比較入腦嘅有維珍（Virgin）創辦人理查德．布蘭森（Richard Branson），佢曾經裸奔宣傳公司產品 ，亦曾經打賭輸給對手後履行承諾，裝扮成空姐登上航班。地道啲嘅就有盛智文，佢為咗宣傳海洋公園「哈囉喂」造型多多，又扮鬼又扮女人，真係唯肖唯妙。
小妹真心佩服呢班有錢佬，鍾意做咩都得，又可以亂噏，馬雲講過「一個月賺一、二十個億其實很難受」，正正反映班有錢人藏在內心深處嘅心聲，每日都要諗下點使咁多錢，真係好辛苦！雖然，佢呢句話得罪了不少同胞，但有錢人都有言論自由，況且佢真係有料可以講，所以今次我Buy馬生。
不過話說回來，做人太高調都未必好，佢高調得已經開始失去原有的部分粉絲。他太出名，樹大招風，各種媒體不論正面還是負面，還是產業競爭者，都喜歡沾上馬雲的名字，讓大家有些視覺疲勞，而且這兩年馬雲和阿里巴巴樹敵較多，有部分對手刻意渲染放大馬雲及阿里的各類負面，導致一部分吃瓜群眾容易激發仇富心態；最後阿里的假貨、山寨貨招惹了部分消費者痛恨，雖然假貨、山寨貨迎合了國內消費水準及就業現狀的需要，但作為消費者，最終睇的還是個體利益。
