作者：朱公子
「棋哥燒鵝」在銅鑼灣「嚟豎旗」
唔知大家仲記唔記得，《炒股幫》慶祝第100期嗰陣時，有好幾間食肆提供優惠券俾讀者，其中有一間係坐落天后電器道的「棋哥燒鵝」，老闆黎樹棋早前已同朱公子講話會大展拳腳，廣開分店。
話音未落，坐落銅鑼灣鵝頸橋下的「棋哥燒鵝」分店，經過有一個月的試業後，於上周三（1月17日）正式舉行醒獅開張儀式，朱公子與一眾久未相逢的朋友：「四哥」石國強、地產巨子陳文強等，聯袂出席捧場，參加2018年第一間食肆開張，希望黎老闆旗開得勝！駿業宏開！好比黎老闆時不時會自嘲自己的花名咁，話生成辛苦命，要周圍「嚟豎旗」，開完一間又一間，哈哈！又幾有意思啊！希望好快喺18區，區區都有間「棋哥燒鵝」的旗幟啦！
