作者 : 戴聖慈(Sandy) 是工商管理傑出成就畢業生，也是國際認可的財富管理師及理財策劃司師，二十多年來帶領其團隊為高端客戶、企業客戶提供卓越的投資理財、風險管理、財富管理、遺產傳承方案等，現為面包台節目主持人。奉行享受人生主義的她，希望透過「戴出好滋味」飯局與一眾對食物品質有要求、有執着的老饕，分享世界各地地道美食，及高性價比的準米芝蓮推介和星級食肆。
第22站：好葡的婆仔屋 ALBERGUE 1601
《戴出好滋味》飯局之澳門篇，瓹窿瓹罅搵好嘢食，嚟到澳門第三個飯局，怎會不帶大家去試澳門地道葡國菜呢？所以呢一站帶咗四位嘉賓食客，去到澳門一個充滿葡國色彩的地方，絕對係大家嘅打咭位，望德堂瘋堂斜巷8號，去試葡國人總廚Pedro ALMEIDA主理的婆仔屋 ALBERGUE 1601葡國菜。
《戴出好滋味》飯局澳門篇
「婆仔屋 ALBERGUE 1601」試食嘉賓食客名單：
（一）新加坡豆福有機布甸供應商創辦人周樂欣 Eve CHOW
（二）上市公司中國天然氣集團總裁余伊婷 Ada YU
（三）澳門 Vanrandes 陽台餐廳老闆 Fernando MARQUES
（四）電子貨幣支付系統高管鄒偉樂Calvin CHAU
頭盤 STARTERS
八爪魚沙律 Octopus Salad
婆仔屋 ALBERGUE 1601總廚Pedro ALMEIDA講解這道菜配料有燈籠椒、洋蔥、章魚、橄欖油、葡萄酒及白酒醋。先將紅酒中的章魚煮沸，切開章魚，將蔬菜切成方塊，然後用白酒醋和橄欖油調味沙拉。
電子貨幣支付系統高管鄒偉樂Calvin CHAU話，這道頭盤好Fresh，有洋蔥、青椒及紅椒，食落感覺很醒神，但又不會搶了味道。
筆者Sandy話Chef Pedro建議大家這個沙律可以配上Green Wine（葡文 Vinho Verde）。Green Wine係葡萄牙特產又是產區的名字，很多人都誤會Green Wine是青色的，但其實Green Wine係有白酒、紅酒、Rosé及Sparkling。這個Green Wine好特別，用咗葡萄牙北面有個地方叫Minho Region內的DOC Vinho Verde產區嘅提子來做的，而Minho這地方的提子比較出名的就是Alvarinho白葡萄。相信女孩子比較喜歡，因有帶點酸但又不太甜，而且配葡菜頭盤菜式，是非常之夾的。
蒜香蝦 Garlic Shrimps
上市公司中國天然氣集團總裁余伊婷Ada YU，讚這個蒜香蝦好香，還有濃烈海鮮味。而Calvin覺得嗰汁很冶味，忍不住用埋個麵包來點汁食啦。
筆者Sandy就透露畀嘉賓食客知道，這個頭盤蒜香蝦之所以咁好味，是因為這個汁是Chef Pedro自家製，好似做龍蝦湯咁用龍蝦頭、龍蝦殼、橄欖油和菜用攪拌機打成蓉，再加入調味料就做成這個汁，所以真係可以只用麵包來點這個汁都好好食。
迷你沙魚 Baby Sardines
Chef Pedro講葡萄牙以前BB沙丁魚一點也不起眼，而且覺得是很廉價的食物，今時今日在葡萄牙沙丁魚無論大細，同馬介休一樣咁受歡迎。
新加坡豆福有機布甸供應商創辦人周樂欣Eve CHOW話看似多春魚，但原來是沙丁魚，整條魚都可以吃，食落好脆和好香。Ada剛才聽到Chef Pedro講這個BB沙丁魚是從葡萄牙運來，而且是野生的，再配埋個Green wine就感覺very good啦。
主菜 MAIN COURSES
龍蝦燴海鮮飯 Lobster with Seafood Rice Stew
Calvin話這個龍蝦燴海鮮飯，海鮮材料好多，有原隻龍蝦，青口、蛤蜊、烏賊及蝦等等，口感層次豐富，而且可以保持龍蝦的鮮味，而飯濕濕地很適合香港人吃，還有Chef Pedro自製很特色的辣椒油，喜歡吃辣的可加點在飯裡也很好味。
燒八爪魚 Grilled Octopus
這隻燒八爪魚唔簡單，一上枱已令一眾嘉賓食友及Calvin不禁說道，在日本食八爪魚就食得多，但這裡的八爪魚竟然又粗又大，遠望還以為是德國腸，配上這個自家製的醬汁好得。
薯絲蛋馬介休 Codfish Scrambled with Eggs
初初上枱大家以為是薯仔，但原來面層鋪晒好脆嘅薯仔，而下面是馬介休和蛋，食嘅時候要撈埋一齊食，就可以食到脆脆嘅馬介休了。澳門 Vanrandes陽台餐廳老闆Fernando MARQUES話感覺好juicy，而且加咗蛋落馬介休裡好香。其他嘉賓食友同筆者都一致盛讚，這個馬介休不簡單，入口好Crisy，味道好正，好好食，一試難忘。
其實筆者Sandy之前都試過不少的馬介休不同的做法，婆仔屋這個馬介休做法，就第一次試。而且同《戴出好滋味》澳門篇團隊，去咗澳門幾日都食咗唔同的馬介休，但Sandy就非常鍾意婆仔屋這個馬介休做法，直頭已經幫佢諗咗個名，就係當薯仔戀上馬介休會點呢？因為Chef Pedro講這個薯仔一定要撈埋裡面的馬介休一齊食，但原來馬介休遇上蒜蓉、洋蔥和橄欖油時是絕配嚟嘅，可以將馬介休嘅鮮味升華到好似戀愛嘅感覺，而這個食法就可以啖啖食到的馬介休，非常之好味。筆者Sandy在寫稿這一刻，仍對這個薯絲蛋馬介休，念念不忘，決定聖誕節再去澳門婆仔屋 ALBERGUE 1601回味一番。
辣汁燒雞 Piri-piri Grilled Chicken
Ada覺得隻雞皮脆肉滑，所以忍不住去問咗Chef Pedro，原來隻雞是走地雞。而Fernando覺得這個雞配埋個Piri Piri醬真係好正，感覺好新鮮又 juicy。
焗鴨飯 Baked Duck Rice
Calvin評價這個飯先乾後濕好有層次，慢慢食落去感覺味道一層一層地出來，又看到鴨肉、葡國腸和煙肉幾種不同的肉配出來，而且飯本身加了點紅酒，所以飲啖紅酒試下先。
甜品 DESSERTS
木糠布丁 Sawdust Ice Cream Pudding
這個甜品木糠布丁有幾好味？只見比較靜的Eve，被這個甜品喚醒了，幽默的Fernando跟Eve開玩笑問道，Eve可否分啲畀他食呢？Eve想也不想已回覆Fernando，唔得呀！她很喜歡食這個木糠布丁。於是Fernando趁Eve不為意就整碟木糠布丁拿走來吃。後給Eve發覺搶回，場面有點混亂，但又令在場人士抱腹大笑。可想而知，Eve有幾鍾意這個木糠布丁甜品。
砵酒燴梨 Drunken Pear Poached in Port Wine
Calvin覺得這個砵酒啤梨好正，係佢欣賞嘅菜式嚟。因為佢好鍾意有少少生果嘅甜品，而這個就用了整個啤梨做，汁又甜甜地，又有好多香料，例如肉桂條、八角等等，味道好清甜。Sandy話呢個砵酒啤梨外面有砵酒嘅味，但裡面仲保持到啤梨生果嘅味。
又到這一站「戴出好滋味」澳門篇第三個飯局尾聲，不知四位嘉賓食客對這餐葡國菜，整體評價如何？
筆者Sandy和上市公司中國天然氣集團總裁余伊婷Ada YU 都話，其實香港人就好鍾意食葡國菜，今站能夠在婆仔屋 ALBERGUE 1601，試咗三個頭盤、五個主菜、兩個甜品，如果唔係Chef Pedro煮得咁好味，全部都好食，真的冇本事由從頭食到尾，所以大家都約定同聖誕節同家人，再來這店回味一番。
電子貨幣支付系統高管鄒偉樂Calvin CHAU話，最少講兩個佢好回味好欣賞的菜式。第一個係砵酒啤梨，真係非常之好味，記憶仍在。第二個是焗鴨飯，因為好特別，在香港搵唔到也食唔這個飯。
澳門Vanrandes陽台餐廳老闆Fernando MARQUES就讃頭盤蒜香蝦十分好食，主菜就是龍蝦燴飯，海鮮好新鮮，睇落好靚，配上Green Wine好滿意。
新加坡豆福有機布甸供應商創辦人周樂欣Eve CHOW，當然最鍾意喚醒佢個甜品木槺布丁和這裡的整棟餐廳的環境、擺設、花園，令人好舒服，絕對係打咭位、影相位。
