作者: 陳奕倫
大市拆局, 維持中長期睇淡
上星期五有幾個重大好消息同日齊發, 美國非農數據表現亮麗, 鮑威爾暗示會有靈活貨幣政策突然轉鴿派口風, 中國央行減儲款準備金將釋放約1.5萬億資金. 幾個好消息加埋帶動美國三大指數升強勁升幅, DOW 期貨升3%, S&P 期貨升3.17%, NASQ期貨升4.2%. 而下星期一二有中美兩國貿易問題副部長再蹉商.
今次指數大升唔代會大市見底同轉勢, 首先中國央行一早預見到首季會有大量民企債及地方債到期, 今次降準預防有大批債券違約, 並且略為舒緩債息而已, 而釋放流動性亦可以幫助維護中小微企過渡難關, 但問題關鍵這1.5萬億能否流到實體經濟, 能否用得其所, 而唔系用來暴力救股市, 而今次民企及地方債巨大債務問題, 唔係一朝一夕能夠解決, 所以今次降準只能治標唔治本, 稍為對股市暫時沖喜. 最重要系企業管治能否得到改善, 盈利表現, 公司財政狀況等等基本因素. 如果只系新債還舊債, 將問題押後, 企業最後都系難逃倒閉命運.
還記得2018年一月份國指,恒指, 單單一月份都升了10%左右, 而今年一月份幾個交易日都已經升了3-4%, 走勢同舊年同期極為相似, 之後恒指由高位跌足七千點, 所以咁快講定話要入市或轉勢, 沒免得太早.
預計下星期一二, 恒指會夾到26000以上, 而國指沒平倉合約由23萬幾略為減到去21萬張, 淡倉略為減少. 美國原油由低位42回升到48水平, 而油會跟大市指數走勢極為相似, 彈到50附近都唔奇. 如果想開恒指淡倉, 再睇睇下星期中美貿易談判進展, 同埋油價會唔會繼續再向上, 及沒平倉合約變化再作部署. 總之現水平追渣或買貨風險極大, 尤其是舊年有好幾次中美貿易戰假傳有好消息出來, 結果都係中伏, 暫時都系睇25000到26200, 一千點上落市, 而避險工具VIX, 黃金, 十年美債近一個月累積不少升幅, 抖抖氣都好應該.
