方神誕基金 散戶與神同行
踏入2019年，各位讀者與小編一樣最緊要都係想知今年點贏錢，從《炒股幫》第一期到現在，有一個人炒股炒到變神，仲橫掃企業獎項、攞埋最年輕全球華人傑出青年，佢每年預言準過耶穌。2017年騰訊476元，市場上人人睇500元、600元時，佢竟然開個千人TALK，直指騰訊（00700）將跌穿300元，恒指從33,484點回落至32,000點時，眾人都在博反彈時，佢直指大市已見頂，牛三已完，恒指最少跌8,000點、安全投資只需買反向ETF（7300），結果ETF大升，恒指全年跌足8,944點！
眾人皆醉佢獨醒，別人笑佢太瘋癲，佢笑他人看不穿，佢就係行運社長好友兼《炒股幫》台柱級人馬——方新俠（方神）！
撰文：炒股幫特約記者
價格由市場決定，有價有市便是價值。方神炒股、炒期指快過印銀紙，開TALK只講3小時收3,980元你話貴？但佢就坐無虛席，香港人唔係傻、個個精打細算，無料幾百都嫌貴。有料，你睇方神就知啦！
名師出高徒
方神認為課程已經收得好平，簡直物超所值！「嫌貴嘅人可以唔嚟，出邊大把廉價課程，市場畀答案，大把人寧願信嗰班九流股評人推介，一下輸幾十萬蚊、幾百萬蚊，都唔願意畀幾千蚊、幾萬蚊，學好咩叫股票，知識係用一世。」
教學班實戰紀錄
據悉行運社長一得閒就會搵方神吹水，傾下宇宙，聊下人生，無所不談。有一次便親眼見到方神即場直播示範點炒期指，真係型到無朋友。方神就話直播即日鮮daytrade無得假，有片有真相，試過有學員兩個幾月幾十萬蚊變幾百萬蚊，佢直播教學用嘅期指倉同樣兩個幾月88萬蚊變333萬蚊，回報近乎250%，年回報接近1,000%，哩個只係方神用嚟教學用嘅期指倉，條條trade有晒交易紀錄，學員可以隨時查閱、做功課、堪稱神操作！
方神創基金 擺明益散戶
Q：小編
F：方神
Q：方神突然創基金，究竟係乜野驅使你炒炒下股搞埋基金咁多元化先？
F：第一，我信投資者嘅汗血錢係需要有人為佢哋捍衛；第二，貧富懸殊太勵害，市場需要一個還富於民嘅基金；第三，金融市場太多大奸大惡嘅人，需要人出嚟制衡。
而且相信坊間基金要贏我回報，幾乎無可能，原本炒股係個人嘅事，但能力越大、責任越大，幫到普羅大眾、市民賺錢、一個雙贏局面，好多基金，肚滿腸肥嘅都係幕後人仕，世界上應該要有一隻真真正正由香港人操盤，還富於民，人民可以重獲財務自由嘅基金。伴隨著我年紀越來越大，「少年股神」個稱號交畀其他人，要做就做「亞洲股神」。將傾我所有嘅名聲及生命押在基金之上，只有勝，不能敗。
Q：方神基金嘅入場費會係幾多，禁售期又係幾耐？
F：基金嘅入場費係100萬港元，禁售期將會係兩年。
Q：點解兩年咁耐？
F：第一年以安全為主，所以一般情況只會用30%資金，是為了捍衛投資者的資產，第二年基金經理就可以用埋利潤嘅錢令回報率加速，就可以確保投資者有更大的盈利，穩中求勝。
Q：咁隻基金幾時會出？你預計嘅回報率又係幾多？
F：基金已經正式啟動，預計首年15%回報，第二年就會加速回報！
Q：依照你平時嘅炒股成績應該唔止咁樣㗎喎，點解回報率得十五厘？
F：四個字「穩中求勝」，當然可能最終回報可能高好多，但始終唔係我一個人嘅錢，投資者嘅汗血錢不能夠冒險，基金經理最少要做到捍衛投資者資產，本金不能輸，頭一年其實只係需要用本金嘅30%去炒，七成現金係要來收息為主，跟住判斷第二年就可以令基金爆破上升，因為第二年我可以用45%嘅錢打上去，就會令基金嘅錢每年以倍數上升，同時未來市場波幅大，更考操作技巧。
Q：雖然你投資成績卓越，大家都知憑你對手可以令銀紙翻倍再翻倍，但係投資者對一般新興嘅基金都覺得風險高，咁你有咩實質上嘅數字可以畀投資者參考，見證到你操作嘅過程係點樣將個回報率打高佢？
F：我有個教學嘅倉係有直播，嗰個倉開始嘅時候係八十幾萬元本金來操作，之後我喺10月、11月以及12月炒完倉就將原本嘅885，551賺多咗 2蚊，200，814，即係我嘅操作喺三個月內將回報率上升248%，有數得計，一年我就可以靠我嘅操作令回報率升至994%，我夠膽直播炒嘢，因為真金不怕洪爐火。
Q：睇數字你操作自己倉嘅回報率就非常唔錯，但係萬一投資者驚同一套未必可以用落方神基金到呢？大家都知你炒期指勁姐，但出面大部分基金都係買股票多，個股市跌到把把聲，你又點樣可以令隻基金係股市跌嘅情況下依然賺到錢？
F：你都識講咁樣係出面基金嘅做法，我哋嘅基金又點會同普遍做法一樣，方神基金就係唔止靠股市嘅上落去投資股票，一部分嘅投資會擺喺期貨上面，依照返我平時炒期指嘅操作，你哋都睇到我教學倉嘅數據，用返落方神基金身上，即係就算投資股票嗰部分輸錢都好，我都可以靠炒期指嘅操作做番個對沖，最後基金都係一樣可以賺錢。
Q：照你咁講，恒指嘅升跌同你係期指上面嘅操作來賺錢係無任何影響，點樣可以做到哩個操作，基金嘅特點同你嘅操作有幾大關係？
F：出面大多嘅基金係要靠恒指升先幫投資者賺到錢，2018年股市大跌嘅情況，基本上大部分都蝕多，幫唔到投資者賺錢。2019我預期股市會先升後跌，方神基金就要比投資者係股市跌之餘都保障投資者有盈利，因為我操作嘅期指同埋期貨，股票升我可以繼續揸來賺錢，股市跌我可以沽一樣賺錢，係唔會受股市走勢影響，就算係好窄嘅波幅，我都可以喺個窄嘅上落入面炒，哩個純粹係靠我個人操作。
方神再預言 你要豎耳聽
「神基金」又介紹完喇，2019年港股點睇先？方神就話環球股市已經踏入熊市階段，單是道指亦已經由高位約27,000暴跌至低位約21,700，跌近5,300點，跌幅驚人。至於恒指亦已見頂，2019年並不會再次見到2018年的頂部，相信33,484點這個歷史紀錄可以維持一段日子喇。
走勢方面，恒指於2019年上半年主要呈下跌的走勢，農曆年前升、農曆年後開始跌，全年當中不乏大上大落的場面，唯處於熊市中，其下跌的速度將會來得更快。因為一般基金的操作都是以每逢反彈沽貨為主，此亦導致恒指下跌速度更快的因素。至於恒指全年6,000點波幅為主，22,600至28,600點，當跌穿23,000點，屆時大部分的散戶都會追淡倉，而外圍亦處於下跌時，港股相對之下是先行下跌，相較更為便宜，會吸引基金開始買入，並令恒指反彈，當中3月、6月、10月的波幅較全年平均波幅為大，雖然全年預測約6,000點波幅，料全年最尾最尾24,500點以上結算。
