作者：Ryan Mok，從事獵頭、會計、IT行業，喜愛享受美食及旅遊。
金山海鮮酒家 休閒晚飯之選
金山海鮮酒家位於佐敦莊士敦廣場， 因為在較高樓層的關係，可以飽覽尖沙咀及維港的夜景，加上價錢適中，所以特意選了這裡與好友晚飯。
皮蛋海蜇──特別之處係加入咗紫薑，令皮蛋嘅香味更上一層樓，呢個時候再夾一啖海蜇，簡直令人胃口大開，係每次去酒樓食飯前菜嘅必選。
芝麻蝦餅──圓轆轆嘅蝦餅賣相可愛，配合粒粒嘅芝麻香已經令人口水直流，再配合伴碟嘅沙律醬，咬落外脆內軟嘅口感，實在係一家大細晚飯嘅好選擇。
蜜汁叉燒王──菜如其名，係叉燒界嘅水準之作，咬落半肥瘦碳燒嘅口感，加上淡淡嘅蜜汁香味，使人喺短短五分鐘內將全碟清空，一件不留。
沙嗲肥牛煲──用鐵煲裝住嘅沙嗲肥牛煲，將肥牛同金菇結合得天衣無縫，其中加入新元素芽菜，令整道菜式變得美味非常，用以拌飯實在一流。
總結， 幾百蚊的晚餐能飽覽如此優美的夜景， 加上食物質素屬中上， 性價比十分之高，值得大家一試。
