作者：Josephine Lau – 天下沒有醜女人，只有懶女人，遺忘的美麗，由內到外，重新啟動。
農曆新年變肥豬豬
就到農曆新年，先恭祝大家青春常駐！股運亨通！身體健康！新年有好多好嘢食，例如蘿蔔糕、年糕等等，一個唔小心仲會食好多朱古力及糖果類嘅食品。
新年係休息嘅好時機，唔瞓番夠本就真係對唔住自己，係呢個食飽又瞓暖嘅情況下，又點可能唔肥啊？仲有人可能會打通宵麻雀，瞓得少、瞓得夜都係令到新陳代謝減低嘅原因。有中醫師就講，其實冬天反而係減肥嘅好時機，因為人體喺冬天時新陳代謝，比起夏天嘅時候會快咗10%或以上，因此如果可以食得開心嘅同時，又有運動嘅話，咁就真係隨時唔會肥，仲減多幾公斤，都咪話唔開心！
不過，如果真係唔想運動嘅朋友，又想減肥嘅，都仲有方法，開講有話用錢解決得到嘅問題，就唔係問題。小妹最近發現到有部減肥機，叫做「武士刀」，顧名思義即係可以劈走晒啲脂肪！每次療程20分鐘，就可以減到一吋至四吋！平時要減一吋腰要減幾耐？可能要用兩個星期或者甚至更多嘅時間，但係呢部機就可以用20分鐘，幫你成功減去一吋至四吋，做完20分鐘後仲會繼續再加快你嘅新陳代謝，即係仲有得繼續瘦，真係勁正呀！
