作者：Sammy畢業於英國赫德斯菲爾德大學工商管理學系。曾為職業魔術師及婚禮司儀，現以財技角度切入分析股票，破解莊家的障眼法。
=====================
新主同時又是舊主
筆者喺呢度作少少回顧，早排講嘅BC科技（00863）終於成功改名，推介後亦有輕微升幅，始終公司股權最常集中，左右買賣廿檔加埋都唔夠八萬股，所以要掃高幾成至一倍其實唔難。另一隻陰跌幾個月嘅股份杭品生活科技（01682）都係一樣，睇CCASS其實已經乾到爆，但每日都係勁少成交甚至係零成交，上周五（6月28日）收市勁升38%至0.69元收市，個成交額都只係8.1萬元，可想而知問題只係個市場缺水，只要資金到位先會爆炒。
筆者本周在其他平台都係推介過以下呢隻股票，香港國際建設（00687）。首先簡單講下佢嘅「前世今生」，公司前身為泰昇集團，於1999年上市，主要業務為土基打樁工程及物業投資、物業管理及物業發展。
公司與現大股東黑石集團甚有淵源，早在2013年底以每股2.86元提全購，持股一度高達86%左右，為恢復公眾持股再配了手貨出街；到2016年被當年四出海外併購的海航集團睇中，透過旗下HNA Finance以每股4.53元向黑石集團收購公司66%股權再全面收購，最多收到差不多86%左右，之後再做了多次配股集資，引入多間國企投資者。到2017年海航更以約129元億天價向政府收購啟德兩地塊，風頭一時無兩，當年股價亦相當堅挺，一度炒高至7元（經調整後）。在最近一次賣盤前，公司進行了一次一供二的供股，供股價以4.08元定價，幾乎貼近市場現價，有一段時間更加是現價低於供股價，當時幾位朋友都在討論究竟是不是供乾，又像供大似的。
收購重現 升浪可期【黑，小題】
到2018年，公司開始傳出資金鏈出現問題，發公告宣布將年前收購拿下的啟德地塊出售給恒基兆業和會德豐。最有趣的情況是，剛剛月前又完成了全購，新主又是舊主；黑石集團每股3元收購公司69.54%股權及提全購，本身黑石一致行動人士持1.93%，成事後持股71.47%。最大股東黑石現持有75%股權（全購完成後已收逾75%），其實因為要恢復公眾持股量的25%，所以要配番之前全購多收的股數出去畀兩名獨立第三方，筆者相信都係友好持有，完美複製當年收購；因為之前賣了地有大量現金入帳，所以較早前公司天宣布派發特別息1.48元（已在6月17日除淨），就咁睇現價1.36元就當加埋除淨嘅息上去，都係得2.84元，依家賣畀黑石成本再低啲；派息完成後公司建議改名，仲要係一模一樣改番之前做地基個名泰昇集團，現價筆者認為分兩注買入已經相當穩陣，到時公司股價應該會再展新一輪升浪。
- 【權益披露：本人持有杭品生活科技股份】
Facebook專頁：財技戲法
