作者:中環高跟鞋，我哋係一班來自不同財經微信公眾號的本土派小編，但我哋唔會掟磚，亦唔會掟蕉，我哋最多係掟文，尤其是同大家分享未來值得留意的投資亮點，雖然暫時只有《中環高跟鞋》、《荊香撲鼻》及《投資先機》三個號的小編在此，但唔排除可見的將來會有愈來愈多小夥伴加入……
好息不分老嫩
最近第4批銀色債券又開始發售，利息每半年派發一次，息率與本地通脹掛鈎，定息水平則最差都有3厘，與去年底發售的第3批銀債相同；年滿65歲的老友記都可以「入飛」，入場費只需1萬元。呢個產品一向令小妹又愛又恨，點解只是銀髮人士可以購買，忍唔住要套用屯門公園劉伯名言﹕「點叫人老淫蟲，你後生不淫嗎？你要明白，後生和老人家有何區別，點解叫人老淫蟲？」即係老的可以是「息魔」，後生的何嘗不想，老人家有需要，後生女(好似我咁都有需要「有息」！）
不過小妹一向都認為，靠政府不如靠自己，你可能會問係香港呢個息低產品回報低的地方，係銀行就算買債券有4厘息，中間比銀行收的行政及其他費用，使原來的回報變成2厘息，仲分分鐘被人扣住一段長時間，咁點樣自救? 是咁的，香港一向都係水浸，完全錢多到唔恨，客觀環境一定不會改變，所以一定要外求。其實唔洗去好遠，只係近近哋的澳門已經有好好息，香港人都可以係個面開戶，佢的港元定期都有2.85厘左右，人民幣都有3厘多。再遠一點的內地，如果有戶口，有一種產品更吸引，人仔可以有2厘息但不用被扣死現金流，只要在用錢前七日通知銀行，就可以有錢用。當然，匯錢是有成本的，澳門的是每次匯款計算，但以小妹所認知都是數百元而已; 而內地方面就可能有點煩，因為有外匯管制，但數額不是太大也是可行的。不過點都好，不要把投資眼光只放在一個地方，政府都有講大灣區概念，大家可以先從穩定安全的定息投資開始，也未嘗不是一個好選擇！
