作者：淼淼, 投資自由人，涉足各類投資，包括股票，期權，期貨，外匯以至房地產，能運用不同工具為資本達到增值效果。
「納米樓」勿亂投資
大家好！淼淼初次登陸本專欄，多多指教！話說小妹近期抽中左屯門的「龍床盤」菁雋，1,2000張飛，抽到407號，都算好前。基本上，一知道抽中左就只剩一晚時間決定，地產經紀一定話抽中都唔買既話係絕對走寶！二百幾萬入場就買到樓，荀！我當時猶豫了一陣子，無錯入場價係好吸引，依家買個車位都要百幾萬，而且這個盤鄰近嶺南大學，所以唔怕租唔出。但係買樓投資除左睇租金回報外，還要看地理位置及升值潛力。「龍床盤」開放式196呎實用積，基本上不會有人想買來自住，最多是放租，而且屯門不是市區，還一點也不近西鐵站，兆康站行去菁雋都要15分鐘。雖然房地產抗跌力甚強，但當樓市有些少回調時，首當其衝必然是先跌「納米樓」。偏遠地區如屯門更加毋庸置疑，所以未上車的人士，別為上車而上車，要考慮周全。到你想換樓時，現成個層賣唔出，又無理由用同名買多層要白白比多15%稅。到時兩頭唔到岸，只會搞著自己，寧可捱多陣，將錢放在其他投資上，再覓良機，再看地理位置好及只少250呎以上的樓盤作自住或投資用途。
