作者：淼淼，投資自由人，涉足各類投資，包括股票，期權，期貨，外匯以至房地產，能運用不同工具為資本達到增值效果。
香港股樓齊跌 岌岌可危？
今周一（8月5日）大家有冇返工受阻呢？係香港生存咗咁多年，真係前所未見返工時間可以得魚毛三四隻，寥寥可數。上次黃色雨傘運動都未真正感受到嗰種「辣到埋身」的嚴重性，今次香港真係可大可小。香港本土經濟發展必然受阻，尤其是旅遊業，旅客應會考慮到其他地方旅遊，而不選擇香港。再加上，美國下月起向3,000億美元中國貨開徴一成新關稅，貿易戰未有改善的起色，而恒指未知會否失守26000點。
另剛剛聯儲局亦落實減息1/4厘，十年來首次，不過香港經歷多次美國加息，早前才跟隨加息1/8厘，所以今次香港亦不會跟隨美國減息。香港主要看資金流向為主而釐定加/減息決定。
香港不減息，亦代表無法刺激樓市，現在買樓主要靠自主用家，加上香港受政治因素影響，二手交投是這半年內最差的，相信未來樓市上會有進一步的調整空間。現在我部署係「Cash is King」，等股市樓市再進一步調整時，就是入市時機。
