作者：Josephine Lau
呷醋呷得有理
不少女士成日都會「呷醋」，但其實醋嘅用處功效實在太廣泛，對人體亦有莫大幫助！醋除咗可以抗菌外，識用嘅話仲可以消除疲勞、促進血液循環、活化新陳代謝，直情係都市人必「呷」！
除咗有助減肥同面色紅潤之外，如果身體患有三高，呷醋亦可以有舒緩及改善嘅功效，但最慘都係好多人唔鍾意酸嘢，小女嘅老公都一樣，要佢飲醋難過要佢飲苦茶，因此小妹會揀果醋嚟飲用，葡萄紅醋可以幫我哋身體抗衰老，令皮膚同身體機能維持係健康狀態，真係怕酸嘅朋友，可以加少少蜂蜜，想增加口感，仲可以加入梳打水稀釋！咁就同有氣嘅利賓納差無幾㗎啦！
