P2 財技掩眼法
作者：Sammy，畢業於英國赫德斯菲爾德大學工商管理學系。曾為職業魔術師及婚禮司儀，現以財技角度切入分析股票，破解莊家的掩眼法。
Facebook專頁：財技戲法
=======================
題目：BC科技繼續飛升
筆者分別在6月尾和10月尾分享過BC科技集團（00863），由5.02元起到最近已開始飛升，最新收市價已有8.13元，升幅高達61.9%。觀乎版面貨量及CCASS股權集中度，呢隻股票仲有大量上升空間，之前賣殼後一度爆炒至25元，當然筆者唔敢寫包單一定會見25元至「雙頂技術位置」，但建議有貨嘅讀者可以先沽出一半獲利，剩餘的貨可以任佢風浪起都穩坐釣魚船，投機股票雖然唔同賭博，但都有相似之處。例如足球投注入球2.5球，30分鐘走地盤已入了兩球，入球中位數變成3.5球，無理由無限不斷再追。投機股票也是如此，好多散戶見上升勢頭好就不斷加注，結果買到「一褲都係」，到時急住想沽都沽唔到。
最近新股可以望下隻國際永勝（08441），上市價0.32元，雖然現在已升了超過一倍至0.66元收市，但筆者聽到有人話見1元，通常收到呢啲消息炒我都係唔買咁大，至少炒幾格我係唔會反對的，但一定要Set止蝕位。
呢隻愛股可以加注
泰昇集團（00687）自從畀黑石全購番之後，筆者都在不同平台推介過，早幾個月前派了一次息有0.21元，剛剛11月7日除淨派0.52元特別股息，其實公司肯慷慨派息並唔係佢有心做善長人翁，主要係因為大股東持貨比例比較大，散戶只佔去少部分，所以派多啲「益下」小戶都未嘗不可，因為做大事的人絕對係唔會計埋呢啲「婆毑數」，最近除淨後見佢都跌咗少少，筆者認為都係入貨時機，另外反而最期待就係呢間公司會唔會分拆地基業務上市。最近比較忙，重點心水暫時都係呢三寶：利福中國（02136）、泰昇集團（00687）、BC科技集團。
利申：筆者沒持有以上股份
Facebook專頁：財技戲法
