P2 財技掩眼法
作者：Sammy，畢業於英國赫德斯菲爾德大學工商管理學系。曾為職業魔術師及婚禮司儀，現以財技角度切入分析股票，破解莊家的掩眼法。
Facebook專頁：財技戲法
=======================
題目：星島應比現價再賣貴一點
就如筆者之前所言社會運動在區選過後開始慢慢減少，始終既得利益者已經得到想要嘅，剩下來只有一部分追隨者。其實筆者都非常佩服自己香港人，因為有唔少朋友都係港鐵提早收車就早一啲去消費，邊度有示威就睇住直播避開啲出事區域，所以香港人適應力係地球最強沒有之一。
就上市公司門市及店舖被破壞之言，在這裡先不講對與錯，因為筆者明白佢哋點解要咁做，但停一停諗一諗，破壞了上市公司的商舖，錢可以再集資抽水，到頭來都係搵散戶的「填數」，究竟最後洩忿完能唔能達到最終目的？呢個問題可能佢哋根本無諗過；堵塞紅隧係最白痴，除咗正常市民都使用之外，絕大部分運輸物流都係會經紅隧，堵塞咗變相佢地只能去東隧或者西隧運送貨物，筆者知道有好多公司根本唯一選擇係最貴嘅西隧，運貨成本貴咗到最後都係轉嫁番畀消費者，最終都係搵自己笨。
最近個市開始好轉，其實個市在社會氣氛最差時都唔係跌好多，因為好多上市公司股價都跌無可跌，只係有好多資金鏈有問題的公司按朋股票借錢，一時之間轉唔掂啲數而斬倉。因為孖展收得緊，所以基本上都難以有新錢借出，變相風險又細咗。筆者上周末搵朋友P君飲茶，講開原來都有唔少朋友收到風星島日報（01105）堅賣殼（雖然出咗《公司收購及合併守則》（「收購守則」）規則3.7及3.8，但都可以告吹），但睇番最近幾個月啲股價走勢算係幾對版，由10月初的0.8元踢上至現價1.47元收市，傳聞係會比現價再賣貴少少，睇番個資產淨值都唔止依家現價12億幾啦，讀者朋友可以小注一試博下發個新年財。
筆者沒持有以上股份。
Facebook專頁：財技戲法
