欄目：股票狙擊手
作者：黃明忠 ，訊匯證券有限公司營業部副總裁
題目：2月12日恒指盤前分析部署
今日這篇文章想講圖表技術分析其中一項課題， 裂口理論。 信裂口理論派， 都會說所有裂口最後都會補，好少提及我今篇文章之內容。好多轉角趨勢都係靠一個裂口訊號顯示出來， 點解咁講？ 2月6日恒指出大裂口，闊 200點， 當日低 27,029點。2月10日恒指回落最低做 27,044點。差16點就可嘗試做補裂口動作而破壞一個裂口， 但沒有做到。 2月11日更大升最高至 27,674點。原來轉角第一個裂口如不回補， 往後行相同方向機率增加，做出一段大升浪或大跌浪。 當然有失敗個案， 想知成功率有幾高， 大家可參考番過去大半年每個月轉角第一個裂口， 再看之後走勢就知機率有多少。
說回恒指走勢， 既然今浪出了第一個上升裂口訊號， 今日阻力在 28,000點附近。 今個月或者高見 28,600點都未定。
