作者：Josephine Lau
係時候進行減肥大計
步入3月，香港氣溫續漸回升，亦開始變得潮濕，係時候換走較滋潤嘅護膚品，用番啲較乾爽補水嘅，咁就唔怕成日塊面都「立痴痴」！同時，經過一個冬季加農曆新年，想必大家都豐衣足食，食得好開心好過癮，會肥咗都係好正常嘅事，但係夏天係時候來臨，各位朋友仔如果想有一副好身材，可以喺夏天Showoff 下，就係時候要進行減肥大計啦！
當然，飲食控制係十分重要，但有效嘅運動更加可以幫助去水腫控制體重，如果要去除脂肪，除咗可以去美容院做消脂療程之外，做帶氧都可以好順利消除內臟及身體脂肪，仲可以促進新陳代謝，血液循環，令到身體除咗做運動嘅時候可以消除卡路里之外，喺靜態嘅時候亦都可以消耗更多嘅卡路里，達到消脂效果。HIIT係一種好有效嘅帶氧運動，全身脂肪都可以擊退，大家不妨試試！
