作者：沈寧（Eric）
616麥子刁鑽牛X手工啤
今期要介紹係位於尖咀的「616麥子」火鍋店，由數位愛吃牛的年輕店主共同經營，「616」取其諧音「淥一淥」之意，是富有香港地道色彩的港式火鍋。店家專一地單以牛為主打配料，揀取本地牛的刁鑽部位，每日新鮮直送。尖沙咀分店更加入本地手工啤酒品牌「麥子」作搭檔，打邊爐與啤酒配，襯到絕啦！想試晒六款手工啤？可以揀「晒你冷」，一次過上六杯，可以飲飽食醉，醉生夢醒慢慢歎咁話！
精心配搭：刁鑽與手工啤。每張枱有一張「牛紙」，用來解構牛隻的不同部位及烹煮秒數，食要「分秒必爭」！而電子餐牌上有多款牛肉選擇，包括匙皮、金花趾、吊龍伴、挽手腩等，款款難得一吃。以下有由「牛總」推介的名物，加埋盞鬼的手工啤酒，嗒真啲打邊爐都特別有層次！
鴛鴦麻牛湯底：兩邊食勻夠貼心！由牛骨清湯與麻辣湯底組成的特別組合。牛骨清湯以十多斤牛脊骨熬製湯頭，加入多個洋葱、粟米、蔬菜及少量藥材煲上六、七個小時，清甜香淡，愈打愈入味。另一邊的火紅麻辣湯，用上大量的香料及紅油麻籽來熬煮，辣味與麻勁十足！
匙皮：匙皮是牛上肩胛肉，質感腍身，鮮嫩香滑。配以清湯底淥一淥，感覺更出眾。牛腩心：牛腩最中心的位置，該店只會挑選油脂較適中的作為食材。牛雜湯底：貌似平日遇見的牛雜汁，每日將大量牛雜燘煮四、五個鐘，原汁原味，濃香味重。挽手腩：這個部位連接爽腩及坑腩位，每頭牛只有兩至三斤左右，油香甚濃。吊龍伴：包住腰脊肉兩邊的肉，又稱肉眼邊，油脂豐富，肉汁飽滿。金花趾：鍾意嚼頭的朋友大抵愛上它！此乃牛後腿肌腱的中心部分，彈牙爽口，筋和紋路比多而明顯，口感一流。
