作者：Hilton Yuen
廣州基金國際 (01367)，我仲入緊貨
這幾星期筆者的工作都真係好多，做完大價股班,又做炒幣班，跟住又到實戰班，之後再到第三屆MoneyKOL每季精選冧巴分享會，而分享會於上星期日完滿結束，首先要多謝冠名贊助的國藝娛樂有限公司(8228)」、一眾贊助商及咁多位出席的讀者朋友，有大家的鼎力支持，冧巴分享會才可以順利完成。當中也要多謝拍擋Phemey過來支持及同大家分享。講真，席間提到的number，其中一隻，筆者於上星期也有賣入，就係筆者一直的愛股廣州基金國際控股(01367)，下文簡稱為「廣州國際」。
筆者於2016年12月開始買入廣州國際，並於2017年的10月份也多次跟進這一隻股票的最新發展。筆者於炒股幫其中一篇叫做「保德國際(00372)，非常值搏」的文中也提及，補充一下，廣州國際的改名前是叫「恆寶企業控股」。文章內容大至如下“恆寶企業控股 (01367)最近真係升得很好，上兩星期還是$2.6，到今日筆者執筆時股價是$5.84，勢頭仲要係很好，會唔會挑戰$10呢？$10的話，市值大約50億，其實真的是有可能。”而該股價在去年12年的時候曾高見$9。
今期筆者再次介紹這一隻股票，同埋自己係現在的價位都真係仲有入緊貨，可知它的分量不少。雖然筆者的大貨是$2.6買入的，但是當股價升至$9之後，股價下跌，直至跌了33%到$6的左右，筆者於上星期五以$5.8再次買入。筆者對呢隻廣州國際信心真係非常高。為什麼呢？最重要的參考位一定係一眾北上廣深的市政府相關的股票，包括北控水務集團(00371) ，北控清潔能源集團(01250)，上海實業控股(00363)等等這一堆股票的市值。筆者執筆時，它們的市值大約在150-500億之間。
至於廣州國際，廣州市政府都吾會俾佢輸，市值上升至100億也没有太大問題，即係股價差不多去到$20左右。乾度方面，依筆者經驗看，有約八成幾乾。筆者執筆時(周一)，股價為$6.22，睇番最近這幾個月的成交額，大部分都是200-500萬左右的成交，相對目前約$29.86億的市值，成交額不算大。睇圖型同每日的成交，筆者隱約感覺到有心人在場，安全性其實幾強，依筆者經驗看，可以大注買入，是大格局，當然，呢句主要係我自己講比自己聽的建議XD。
(利益申報：執筆時筆者持有廣州基金國際控股(01367))
(請加facekbook專頁：https://www.facebook.com/Hiltonsharing/)
(以上屬個人意見，絕不構成投資勸誘或買賣建議。)
