作者：Max@StockBuddy
作者介紹：許英輝，前國際投行高層，曾在香港及東京操作自營買賣業務，擅長利用統計學作為交易策略藍本
《FED回購操作，又現超額認購》
今期我哋就講吓美國Russell 1000指數俾我哋有乜嘢啟示。眾所周知SP500綜合美國500間最大型公司嘅指數，不過另外有個指數叫做Russell1000。呢個指數係比起SP500更有代表性因為佢係涵蓋美國1000間最大嘅公司。呢個指數裏面仲可以分別睇Russell 1000 Growth（RLG）和Russell 1000 Value（RLV）。RLV 就注重比較低嘅price to book ratio（P/B市淨率）同埋比較低嘅增長預期嘅公司；RLG就集中係比較高嘅P/B同埋高增長嘅公司。我就鍾意美國有好多呢一類嘅指標可以作參考去制定自己嘅投資策略。好簡單咁利用呢兩個指數我都已經可以窺探到未來美國股市有可能嘅走向。投資者只需要將呢兩個指數除一除就可以得出佢哋嘅比例數，見附圖。RLG:RLV目前係1.66附近，距離最高1.68都係只有1% 左右。投資者如果仲記得20年前科網股爆破前夕1.68就係當其時2000年三月做的。大家睇吓個圖就好清楚可以顯示目前科技股有幾咁超買。若果歷史有啟示性嘅話美國股市嚟緊避險情緒將會主導。大家如果唔係咁善忙嘅話都應該記得美國SP500指數同時都係二千年三月在1553見頂，之後下跌到769。
