Phemey Pon：搞東搞西的生存方式

作者：Phemey Pon

搞東搞西的生存方式

好多朋友唔係好明我點解喜歡搞東搞西，首先，這與性格有關，我喜歡創業，但不喜歡守業及把生意做大，因為創的過程好新鮮，好過癮，夠刺激；但守業及把生意做大，卻需要另外一種skill set，就是需要組織團隊，並需要重覆去改良產品及服務，重覆地去開拓不同市場。

此之所以，以one man band 方式去搞東搞西，於我而言，由於無本或低成本創業，加上我識得去搵最能短期內執一筆的機會，所以差不多一定搵到食，當我感到唔再搵到食的時候，我又會去尋覓另外一些搵到食的機會，所以我可以在過去十多年，不停地用搞東搞西的方法去搵食，對於我，用這種方式，既好玩，又過癮，兼搵到食。

就以近期為例，用我這種思維方式及方法，我便成功解決了一條非常多限制的商業難題，又成功創了一個新的業務。

由於去年的加密貨幣狂潮，引發了我想在香港搞加密貨幣礦場，所以用了很小的資源，快速地在官塘區找了一個地方，然後找了人幫我設計，並建造了一個非常漂亮，及正到無倫的礦場，但由於做建設礦場的同時，已經遇上加密貨幣市場大熊市，所以我亦減慢了礦場的發展速度。

此外，在搞完一大輪後，發覺餘下一大片無用的廠房唔知做乜，我因此搵了很多人給我交方案，但由於這些人，大部分都沒有用心及用腦去解決問題，並從中尋找win-win solution，令他們自己及我皆得益，所以我就按兵不動，直至我遇上我的合作伙作，等於當年我遇上了周顯，及上年遇上Tony 一樣，我就快速拍了版，並立刻建造了現在我的co-working space.

我不敢倉猝行動的原因，是因為我所尋找的答案，必須盡可能満足下述條件，就是需要貫徹我的做生意的原則：風險大唔做，要管人唔做，要有固定成本的唔做，辛苦的唔做，煩的唔做，騙人的唔做，無錢賺的唔做，要成日開會的唔做，無自由的唔做，搵得太少的唔做。

結果，一如既往，我終於找到一個難解商業難題的答案，並成功創了一個搵到錢的新業務。