作者：驍騰原，中文大學物理學碩士，近年創辦貿易公司出口十多個國家。又一個「80後」，一半時間做生意，一半時間炒股票。股票通常只買兩種：一種超大藍籌股，用作結算收成；另一種極細財技股，用作打獵收穫。2015年成功發掘並捕捉的倍升股超過10隻，最高升幅達10倍以上。
保德國際 配股後有動靜
今個星期筆者有幾隻股票想同大家講下，更新一下。第一，毛記葵涌（01716）申請上市，首日招股公開發售部分已錄超購1,200倍，超額認購很多，對於其他人來講，抽到就一定係贏㗎，為甚麼呢？首先，毛記集資的額度及市值皆細。毛記計劃發行6,750萬股，其中一成作公開發售，招股價1元至1.2元，最多集資8,100萬元。其次係名聲大，一定係OK的。毛記葵涌的主要股東也受惠其上市的申請，分別為世界華文媒體（00685），最高時升咗四倍，咁係好誇張的；仲有萬華媒體（00426），都係率先炒高咗先。我在「Hilton一分鐘」內亦詳細講解了。
最近，細價股的氣氛都唔錯，所以筆者都會花時間去睇，盡量搵一些好的股票出來。第二個Number係筆者股友群裡面的善樂國際（01660），升得好厲害，升極都唔識停，股價由3月初約0.5元升至筆者執筆時（周一）的2.37元，在兩三個星期內，升咗四倍，喺短時間內這樣的升幅是非常之誇張的，而周一（3月19日）的單日成幅都升咗約37%。
除了以上的股票之外，孫粗洪系的股票也不差的。首先是長盈集團（00689），周一都升咗約13%，筆者和大家也炒咗好多次。另外一隻就係保德國際發展（00372），這隻股票在筆者的股友群都討論得非常熱列的。為甚麼呢？因為有財技面配合。其一，保德國際啱啱配股3.3億新股，佔擴大後股本16.35%；配售價0.42元，其集資總額1.38億元，有少少集資。集資後，雖然孫粗洪的持股就由39.72%攤薄到33.23%，不過這些都已經無咩關係的了。筆者感覺上係似20/20配，即係一般授權的配股，這些一定有利炒作。
話雖如此，保德國際之前真係等咗好耐，其他依家是否肯定升，其實又未到的，不過成交量比平時是大的，這兩天的成交量也高達到三、四千萬。筆者執筆時，股價為0.61元，目前筆者仍是持有的。不過最好係過咗0.8元以上，就完全無晒蟹貨，即係0.7元。0.7元完成咗之後就係0.8元上面企穩。依筆者經驗看，保德國際可以好勁的，有機會是五倍十倍計的股王，大家要留意！
【權益披露：本人持有保德國際發展股份】
