招財密碼
潘啟才（Phemey），測量師出身，試過輕輕鬆鬆年薪過百萬，亦試過胼手胝足地創業。後來發覺幫人做成生意最過癮，成功拉攏買賣雙方便穩袋幾百萬，至此「通天經紀」之名便不脛而走。眼光準、膽量大兼且身體力行，搞炒股投資班大賺一筆之餘，亦計劃大搞創業班，矢言教授云云打工仔、待業青年、大學生無本生利，財來八方的本事。
【標題】食之無味 棄之可惜的榮萬家服務
今天要介紹呢隻新股榮萬家服務（02146）。星期五（1月8日）截止認購，1月15日正式上市。招股價13.46至18.36元，每手500股，入場費9,272.51元。以上限價18.36元計算，市值約69億元。 榮萬家服務是一間物業管理服務提供商，姐係早排熱炒，但又一度回落既物管股。共管理272個物業管理項目，建築面積為5,200萬平方米。以2019年管理建築面積計，榮萬家在整體中國物業管理行業的市場份額為0.2%。2020年，公司在中國指數研究院的中國物業服務百強企業排名榜入面，排名第19位。算係一間中型既物管。
同咁多間新上市物管股一樣，榮萬家既業績都好好睇。2017年-2019年榮萬家收入分別為7.32億元、9.02億元、12.82億元，複合年增長率為20.54%。而淨利潤分別為0.38億元、0.72億元、1.13億元，複合年增長率高達43.42%。就連今年上半年疫情肆虐其間，榮萬家收入同利潤都有增長，分別同比增長37.4%及98.1%，達到7.65億元及1.05億元。此外，榮萬家毛利率亦逐年上升，其中毛利率在今年上半年為28.6%，較2017年增加12.6個百分點；淨利率在今年上半年為11.5%。
之不過，基本上隻隻物管股都係都係富二代黎，幾有料其實唔係睇佢本身，而係睇佢老豆。姐係要睇物管股背後既地產發展商，要發展商不斷注入起好的樓比物管公司，物管公司先可以keep住增長。榮萬家都唔例外，佢老豆就係榮盛發展，一間河北省既地產發展商。而榮盛發展既情況就唔係太好喇，在行業排行榜入面，都係掛係廿名後，銷售額更從2017年的行業第26位，逐漸下落至2019年的第30位。姐係話，未來輸血比榮萬家既項目，可能會冇咁多。
過往物管股上市都會有班好亮眼既基石投資者陣容。咁呢次榮萬家又點呢? 哎，唔好意思，一個基石都冇。專業投資者既睇法可想而知。
總結返以上既資料，榮萬家既業績雖然好亮眼，但前景有好多不穩定因素。贏面比唔上之前介紹過既醫渡科技、網上車市同稻草熊。大家想抽呢隻之前，最好諗清楚。
