招財密碼
潘啟才（Phemey），測量師出身，試過輕輕鬆鬆年薪過百萬，亦試過胼手胝足地創業。後來發覺幫人做成生意最過癮，成功拉攏買賣雙方便穩袋幾百萬，至此「通天經紀」之名便不脛而走。眼光準、膽量大兼且身體力行，搞炒股投資班大賺一筆之餘，亦計劃大搞創業班，矢言教授云云打工仔、待業青年、大學生無本生利，財來八方的本事。
【標題】細細粒的環聯連訊，究竟容唔容易食？
今天要介紹呢隻新股環聯連訊（01473）。2月4日星期四截止認購，農曆新年後2月18日正式上市。招股價0.52至0.58元，每手4,000股，入場費2,343.38元。以上限價0.58元計算，市值約5.8億元，屬於細價股。環聯連訊成立於1990年，係一間電訊業公司，主要向客戶採購同分銷零部件，仲提供埋解決方案同技術支援。按2019年收益計算，環聯連訊喺中國電訊接駁產品分銷市場市場份額4.4%，排名第三，無咩特別。環聯連訊既業績就唔錯，2018至2020年，呢間公司的收入分別為8.43億、8.71億、9.71億，年復合增長率為7.3%。淨利潤就分別有3102萬、3511萬、4194萬，以上限定價黎睇，PE都係13倍左右。就咁睇都算係一間正經做生意既公司。
不過睇真d，原來呢間公司既財政狀況相當唔掂，最近負債愈黎愈多，2018-2021年頭四個月，環聯連訊資產負債比率分別為270%、240%、210%、220%。同期流動負債分別為3.42億、3.73億、3.68億、5.89億港元，間公司既負債仲大個市值，唔怪得要上市集資啦！
仲有樣令人擔心既野係，環聯連訊第一日孖展已經超左11倍，超額倍數唔多唔少，就黎去到回撥30%果個位。若果最後不幸超額剛好過15倍，就會回撥到30%。呢d小型新股唔同快手之類既大股，回撥多反而唔係好事，有可能成為莊家散貨既途徑，令隻股一上市就收皮。睇埋個保薦人資料。呢間公司的保薦人係竤信國際，最近兩年無咩點搞IPO保薦，所以無得參考。加埋以上既因素，環聯連訊既不穩定因素好多，同埋招股期超長，成十幾日，會鎖住好資金好耐。所以，我就唔建議各位觀眾留意呢隻股票喇。
