作者：KK x Suki x Toby
日本料理好推介
最近天氣有啲熱，已經步入春夏交替，究竟有啲乜嘢方法可消暑呢？我就鍾意食日本嘢，而千両就推出咗春季時令海鮮之選，全部用料食材都好新鮮！有時令魚鮮同埋有日本新鮮生蠔，全部大大隻好有海水味。
呢個鯛魚刺身薄切，賣相已經夠晒吸引，睇得出經過用心製作，佢嘅脂肪比例含量適中，肉質鮮味，係高級食材嘅表表者，入口再加以辣椒蘿蔔蓉、柚子啫喱及柚子胡椒更能突顯鯛魚的鮮味，價錢亦唔貴都係168元一份。
生蠔相信係好多女士嘅至愛，呢度有來自日本大阪、福岡及熊本嘅精選鮮生蠔，全部即叫即開，140元三件，熊本八代市鏡町的鏡蠔，肉質豐滿厚肥！每一次食落口都帶比口腔新嘅衝擊感，啱晒鍾意食蠔嘅我。
最後食埋鐵板牛肉壽喜燒，價值78元，真係超級香！尤其是當蔬菜同肉嘅汁走晒出嚟，一齊混合，零舍香濃順口之令人一試難忘。加上裡面有不同的配菜如椰菜、豆腐及蘿蔔等等，好吸引，非常滿足。
如果想去食嘅朋友，記得五月頭就好去食啦，因為已經進行最後階段喇！
