股神巴菲特的至理名言：「別人恐懼我貪婪」，究竟幾時先係時候恐懼，又應該幾時貪婪呢？到真正要落決定嗰刻，其實係非常困難。回想起4月2日，對等關稅戰正式開打，市場出現恐慌情緒紛紛避險，以滙控(00005)股價為例當日已跌約15%。恒生指數更一日大跌三千點，更創出6,200億單日港股最大指數跌幅。
但誰不知，大市急插後隨即回升，升市日數比跌市日數為多，截稿時當日恒生指數已重上22,000點關口，正因為特朗普改口風，指出將會對中國關稅從145%大幅降低，但又未至於0，市場有感關稅戰持續降溫當好消息炒。
筆者認為這次只屬於一次中期反彈，市況隨時略為波動，若果在早前大跌市中並未有減少自己倉位的朋友，應趁此階段大市攀升，市場氣氛略為轉好時，減倉大約三分之一。
買股票不用多隻選對一隻就夠了，若果早兩星期大家有根據筆者專欄中的操作，在70元水平附近吸納滙豐，在昨天（4月24日）的收市價85.50元水平應有一定利潤，本星期應繼續持盈保泰，等待下一個機會來臨。另外順帶一提，最近紐約期金升破歷史新高3,500美元，持有的朋友應考慮減倉食糊先離場。
