作者：YISY 一位剛踏足這個社會新世界，不甘成為機械齒輪的熱血青年。一切由零開始，一步一步踏向我的夢想人生之旅。
請別害怕創業
很多人可能會問，創業難嗎？我會答你：世界上無任何一件事是容易的。
社會上一個個的年輕人，未被磨平棱角帶着熱血同埋對未來憧憬；我相信有大部分嘅人都有諗過創業。想象永遠都容易，實行起來又係另一回事。 筆者係一位剛剛大學畢業的新鮮人，除咗零散的part time外，並無長工嘅經驗；等於出到社會，又係由零開始。憑住熱血，同埋年輕人一腦子衝動，我開始咗創業投資之路……
喺剛畢業後嘅一段空白期，偶然間見到長居上海嘅年輕親戚講起投資買樓，見到中國樓市嘅前景，我都想參與其中，喺市場中分一杯羹，但始終對於內地樓況市場一無所知，而且手上嘅「子彈」不足，事情不了了之。但同時間都令我開始想了解內地嘅投資同創業前景。
香港寸金尺土，面對住昂貴租金以及龐大的人工開支，而且零經驗及不充足嘅資金下，創業對我來講，完全係不敢想象。
後來有一日，該位長居上海嘅年輕親戚發咗一個麻辣燙（類似米線）嘅計劃書，望見計劃書入面嘅實景圖同埋詳盡介紹，引起咗我嘅興趣。（加上本身筆者我都好喜愛麻辣燙，哈哈）其後了解到，寫計劃書嘅公司係專門提供不同類型餐飲嘅加盟計劃，例如：手搖飲品，台式飯盒等等（該公司有些加盟品牌本身已經很出名），而這次，佢地嘅新計劃係走清新系嘅麻辣燙，主打自然清新風味，風格與地道麻辣燙截然不同。由於還是新計劃，因此暫未有任何加盟店可供參考。抱著一腦子嘅衝動，快快手就買了機票到上海，但原來該公司喺杭州，於是第二日，筆者與幾個親戚舟車勞頓到杭州公司了解詳細情況。
去到該公司，先是有人來招待我們喝他們公司手搖品牌嘅茶飲，味道不錯。然後就帶我們到地下的清新麻辣燙實體店，亦係此行嘅目的。原來他們都會將自家計劃嘅品牌開個仿真實體店，給加盟者可以看到真實嘅環境。原來該公司的品牌都會成為實體店變成內部員工飯堂，我哋要了解呢個餐飲加盟計劃，當然要「試試佢」！
一入到去，有別於平時嘅麻辣燙店，一間日系wabi-sabi風格，全木做嘅風格設計，配上青菜嘅裝飾，未食已經好滿意！其後，一行人每種味道都叫一個，試了6種不同味道嘅湯底，大概心裡有數。其後，我們到了會議室正式開始詳論加盟事項，一切未了解的都問個明白，例如培訓，入貨等等都問個清清楚楚，然後付了45,000元的加盟費用，就正式簽約了。（最初要來談加盟事項嘅時候，合夥人之間都有談到大概股份幾多如何分，大概預算多少，下文會有詳細講解）
