作者：KK x Suki x Toby三位財策美女除咗好動無時停之外，仲好鍾意食嘢，為咗美食，實行食咗先減，誓要約埋三五知己周圍搵美食。
開胃泰國菜
最近總是沒有甚麼胃口，就會想食開胃的泰國菜。今次這間係正宗的泰國菜。新開嘅餐廳喺人山人海的旺角，正宗泰國菜係真係值得一嚐的泰國菜餐廳。
泰國龍眼水，全杯都係龍眼仔，泰國嘅龍眼又細又甜又好味唔似香港嘅味道比較淡。小小嘅知識，龍眼中含有一些活性成分，這種成分可以起到抗衰老的作用。啱晒女士們！
嚟到泰國餐廳又點可以小咗泰式通菜呢？通菜炒嘅時候加入咗魚露、紅辣椒等，炒嘅時候最重要係夠鑊氣。小小辣，但好好味。
菠蘿海鮮炒飯，炒飯入邊有兩隻蝦，魷魚同幾隻帶子，炒飯炒得夠乾身，飯面配上肉鬆簡單但好味。唔知係咪慣咗香港係有原隻菠蘿上菜呢，不過個啲菠蘿都唔知用咗幾多次，睇嚟都係冇好過有。
超級勁辣生菜包，肉碎配上一啲配料及辣椒，加上大大塊嘅生菜包係面，咬落多汁。但真係好辣，飲咗椰青，兩杯水都解唔到辣。
最後嚟個芒果糯米飯做甜品。可惜香港嘅始終唔及喺泰國當地嘅好味。糯米飯唔夠軟身，芒果都唔係當造時期，米飯上面嘅椰汁亦都唔夠，未能帶出糯米飯嘅香。
解唔到辣，唯有去飲番杯啤酒睇世界盃啦。
要知多啲美食請follow埋我Instagram啦（Toby）
