作者 : 余家旗 Alex—樓盤王及置業王創辦人，香港地產代理商總會副主席。
1250的迷思
香港真係一個好神奇嘅地方，有人會用1,250萬元買一個286尺嘅單位，呎價逾3.6萬元，呢個區係我自細長大嘅地方，以前係一個臨海的公屋群，睇住佢拆，睇住佢起，現在已經華麗轉身變成一個世界級的豪宅。
呢個價錢唔係一個迷思，但係我諗唔通點解286尺會係一個豪宅？究竟我係同市場嚴重脫節定係我自己生得比較高大？究竟豪宅嘅定義係乜嘢？係呢幾年我都一直喺度重新評估。
小弟絕對唔會因為自己擁有一個開放式的千萬豪宅而自豪，當然小弟相信有千萬投資一定有自己見解，大有可能只係貧窮限制咗我嘅想像，反而在諗究竟香港個樓市尤其是豪宅會去到幾盡？香港山頂，渣甸山及南區傳統屋仔成交已經去到接近30萬元一呎，雖然呎價屢創新高但係要知道世界只得一個香港，只有一個山頂！
五十年河東五十年河西，由傳統英國資本為大地主到本地財主，現在已經是世界級市場當然有人會講點解啲豪宅都係大陸人買多？因為依家個世界市場焦點就係中國所以唔好見怪！擁有一個傳統嘅豪宅已經係身份嘅象徵。全球大部分富豪都會買佢哋喜歡的資產作為增值，鑒賞和享受，天經地義，合情合理。
當然不是人人有如此巨富但係擁有資產夢係不二嘅法門。買唔到山頂可以買遠啲，但係買遠啲唔代表佢會升少啲，可能你買嗰個地區就係第日嘅南山，第日嘅華僑城或者第日嘅渣甸山呢！
見到祖國及東南亞的發展一日千里啲樓同小區都越做越好，媲美香港豪宅身處喺呢個世代，我覺得剩番嘅主要都係考我哋嘅眼光，運用資產增值及創富不是夢，只是呢個夢可能會發生係唔同嘅地方。
小弟近來獨家代理了橫琴的樓盤估計銷情會十分理想，有興趣去了解可以同《炒股幫》聯繫。希望大家都可以做到自己心中的樓盤王！
