作者：朱公子。
新年去深圳辦年貨
呢期雜誌出版當日已經係丁酉年臘月了（十二月初二日），仲有一個月時間就踏入戊戌年狗年啦，大家都會忙於布置屋企，迎接新春來臨。今期朱公子就帶大家去深圳一個專門賣節日用品的批發區，等大家可以一來當係去逛街，二來執番啲平靚正的賀年物品（其實香港店舖好多都係去呢處入貨的），三來搵到啲潮貨可以考慮下喺年廿九情人節同埋年三十晚出街擺檔，發番個新年財。
朱公子講緊呢個批發區就係喺深圳羅湖區寶安北路的笋崗（筍崗），雖然果度坐地鐵係唔到，但係交通尚算方便，喺羅湖或皇崗坐巴士好快就到啦！
每逢過年過節，朱公子都好喜歡去笋崗逛逛，買啲應節物品，尤其是春節、中秋節、聖誕節、萬聖節等，呢度啲批發商場都人山人海，來自全國各地和港澳市民都識得到來入貨，即使平日都有唔少港人喜歡去買啲家居用品、文具玩具，喺實體店見到實物才買，總好過上網淘啲「貨不對辦」的東西啊！對不對？
教你點樣去笋崗？
羅湖──火車站西廣場華僑大廈對開巴士總站乘18路巴士，到笋崗倉庫落車，行過對面馬路，回程乘搭巴士不用過馬路。
途經地鐵站可接駁到笋崗倉庫落車的巴士路線：62、63、65、69、80、318、225、321、366、381、383。或可登入以下網頁瀏覽：http://shenzhen.8684.cn/z_e1e03916
