作者 : KK x Suki x Toby，三位財策美女除咗好動無時停之外，仲好鍾意食嘢，為咗美食，實行食咗先減，誓要約埋三五知己周圍搵美食。
要預約嘅美食 星月居
高級私人會所往往臥虎藏龍，都係只接受會員訂座，一般人根本無機會食到。星月居係順德聯誼總會前主廚陳日生師傅，佢做嘅係正宗的傳統粵式菜餚。主廚精心炮製嘅菜餚，必定令你大叫好味。走進星月居，就感受到傳統中式嘅裝修，好有feel。
有一樣要注意，餐廳係不接受walk in，要先預約，有三款餐單可以選擇。分別係6,988元、8,880元及13,800元。適合8到10人食用。
下面係我最愛嘅玻璃明蝦球，白雪雪嘅虎蝦好像水晶一樣晶瑩剔透，咬落十分爽口。咬落仲有小小鹹香味道，因為佢用咗金華火腿。這是一道考刀工及火喉的菜式，大蝦事前需要切去變色的皮層，經細心烹調後整隻都是雪亮白淨，同時蝦身不能過火，要爽口而脆身。
朋友非常喜歡這裡的八寶鴨，因為入面有鹹蛋、薏米、瑤柱、蓮子、冬菇及白果等配料，仲要蒸煮上四小時。非常入味。
出色嘅炒桂花翅，近年結婚都不再食翅了，轉食素翅又環保又保護到鯊魚。食落好乾身，又有蛋香，在其他地方應該不容易找到。
要知多啲美食嘅Follow埋我Instagram啦！歡迎與各餐廳合作，有興趣Instagram聯絡我。Toby_hendrickss 
