怯，你就輸一世
「上得擂台，你就唔好怯，怯，你就輸一世。」呢句經典對白係出自電影《激戰》裡面，師傅坤叔（歐錦棠飾）對住程輝（張家輝飾）上台接受拳賽前講嘅一番勉勵說話。同樣道理，炒得股票就唔好怯，否則都會輸一世。慳妹Vivian就留意到，剛剛過去嘅星期日，在熱門嘅時事節目《城市論壇》，聽到嘅唔係政治，而係熾熱嘅股市？我當堂嚇一跳，然後得啖笑。見到獨立股評人青姐（胡孟青）同大師（沈振盈）嘅蹤迹，佢哋分別在論壇上面討論港股屢創歷史新高後嘅何去何從，兩人均在論壇上吹起冷風，認為港股如賭場，現時在高位上會有調整，股市亦即將出現風險。沈大師更揚言港股年尾會大跌至20,000點，自己目前「一股不留」，投資策略轉向保守。豐盛金融資產管理董事黃國英（Alex）就笑言：「個市仲未升完，大家唔使咁驚住！」
黃國英(右) 《激戰》劇照
沈振盈
撰文：曾子晴
====================
真金白銀 實戰操作
「看見別人看不到的事，抓緊時機，用啱方法。」係Alex作為基金經理的座右銘，市場氣候經歷大變，傳統純股票單靠中港市場的投資方法已經不合時宜，死守市盈率（P/E）和市帳率（P/B）等傳統指標方法，只會錯過很多良好的入市時機。一向眼光獨到，分析別樹一格的Alex，星期一（1月22日）在《炒股幫》的直播節目《貼身追蹤》上接受慳妹Vivian的訪問，分享自己做Fundman的經驗和對大市及個股的看法。掌管著多達數十億元資產的他，擁有靈活的投資策略，先前曾經貼中無數股票和作出過準確的投資部署，如很久以前已經購入騰訊（00700）和美國科網股如Facebook（NASDAQ：FB）等等，為投資者增加了豐厚的投資回報，慳妹真係好佩服Alex自己對市場有獨特的分析，不會人云亦云，而且肯花時間每一隻股票逐一分析。
市場聰明錢 追優質資產
星期日當天，訊匯證券行政總裁、有「大師」之稱的沈振盈睇淡後市的言論，他不以為意，因為佢覺得這些言論係「無所謂」。黃國英表示：「都聽咗佢（大師）講咗成年啦，唔係淨係今日嘅事。其實如果你係投資者，你鍾意都可以「一股不留」，我覺得佢講呢一番言論嘅時候，其實有啲理據不足，因為佢似乎留意唔到市場現時嘅變化！」
沈大師提出兩大論點，第一是反駁大師對現時北水減慢的看法：「市場『縮表』還『縮表』，收水還收水，其實對個市都唔係好大影響，因為我哋要睇嘅係嗰市將啲錢放咗喺邊度，而現在看來，市場上的錢只會停留在有潛質的事情上面。」再者，根據他的細心觀察下，他看到整個市場上，不是每隻股票都錄得升幅，因為社會變得嚴重兩極化，Alex說：「現時的投資者變得聰明，他們只會把資金放在還有增長能力空間的股票上，而不會盲目跟風，亦對優質資產的渴求大增。」
Alex解釋現時全球主張去槓桿化，導致部分劣質資産被遺棄，而他看到市場其實對去槓桿化是頗為接受的，例如好多人以前見到做鞋有前景，於是一窩蜂走去參與，投資設廠搞品牌，又請了一大堆人手，搞了很多重複建設，推高了GDP。經過一輪市場競爭後，贏家通吃，只剩下獨佔市埸的強者運動品牌如耐克（NIKE）、阿迪達斯（Adiddas），市場少咗水，資金減少，投資者會小心選擇，導致經濟活動減少，GDP增速從而減慢：「股票升幅只會集中在強勢公司之中，消費變得疲弱，好似我即將要去歐洲旅行，發現他們的高級零售產品開始復甦，另外佢哋嘅酒店套房一晚的價錢要700歐元（相等於6,325元港幣），真係非常昂貴。反映優質的酒店一樣有市場，高消費市場有價有市，導致出現兩極化的社會。」
所謂「強者愈強」，現時整個市場的升幅亦只會集中在某幾個強勢板塊上：「今年就未去到咁樂觀，暫未睇到40,000點，年尾只會睇到36,000點至37,000點，因為一啲大型股票例如中國移動（00941）同本地地產股亦跟唔上市況升幅，所以指數仍然未夠爆！」他亦說到有些人見到32,000點好驚係有原因：「簡單啲講，其實因為你冇貨。而點解我唔驚，係因為舊年已經贏超過50%，有一啲賭本喺度，所以可以博到爆為止，我就真係一啲都唔驚啦。」所以，Alex認為，有些人要「一股不留」係因為自己根本從來都沒有在市場獲利！
新催化劑 騰訊續上
Alex認為，股市會繼續向好，主要受惠兩大原因，第一是升市火車頭騰訊，即將會有新的催化劑：「我們的基金一直視騰訊為第一重倉，不知大家有沒有更新騰訊旗下的微信程式，現時軟件內設有小程式功能和跳一跳遊戲，這將會是騰訊的另外一個增長點。這些功能能夠增強用户對程式的忠誠度（Loyalty），而且對用戶來說是百利而無一害，因為這樣的整合，更可以減少使用用戶手機的記憶體容量。」Alex笑道，內地的麥當勞（已易名「金拱門」）設置小程式後，亦震驚美國的麥當勞總部，可想而之事情極具標誌性。
Alex預期，當任何一間商店在微信中設置小程式時，微信便能收取費用，這樣使它能賺到更多的利潤。至於最近有多隻新股從騰訊之中分拆出來，坊間對騰訊此舉有所微言，認為公司進行多項財技目的是從市場中「抽水」，Alex卻不完全認同，他認為騰訊的分拆動作目的是為增加旗下公司的知名度及吸引人才：「如果閱文集團（00772）無上市，根本體驗不到他們的價值，亦無人會認識佢哋嘅行政總裁吳文輝，更加冇人知道佢就係馬化騰背後嘅男人，係佢令到閱文市值由最初起始資金嘅1.5萬元去到現時市值800幾億元。其次人才招聘真係好緊要，對整間公司亦有好處。」
內銀重估 有力再升
而市場另一個催化劑，將集中在內銀股身上，Alex表示：「年頭時，很多人質疑內銀股的走勢，認為它們升勢麻麻，對其完全沒信心。但現在心態轉變，我睇內銀股會再抽，個市自從上年年尾去槓桿化之後，市況完全改變，現在內地亦正式去槓桿，債務收回的情況亦有好轉，金融上有較多的生意亦轉為正當，所以趁內銀股回調就要趁低吸納。」他表示自己比較關注行業的龍頭股份，如建設銀行（00939）或工商銀行（01398），和不得不提的內地境內唯一一間郵儲銀行（01658），他認為其有機會成為H股全流通的其中一個試點，導致整個板塊可以炒上。至於內險方面，他認為中國平安（02318）亦會繼續向上：「雖然集團最近計劃分拆旗下醫療業務『平安好醫生』上市，但值博率並不是太高，只是長期來看，核心的銷售團隊較其他內險股為好，而且有新軟件配合，換上新經濟項目，集團將會有較大的優勢。」
中國平安（02318）
騰訊（00700）
郵儲銀行（01658）
內房汽車 不宜高追
正所謂「高處不勝寒」，2017年升幅比較強勁的板塊例如內房股和汽車板塊，Alex自己並不看好：「我不嬲都唔建議人哋追貨，而且對內房無特別大興趣。上年大家都見到內房嘅銷售好快，有幾百甚至幾千億嘅成交，至於每年能否做到持續的升幅？相信大家都千祈唔好奢求咁多啦。」
基金表現 遇強愈強
Alex早在2002年起開始為客人管理資產，而他旗下管理的其中一個基金Rexcapital Asian Pacific，一直表現良好，在2002年至2003年期間，回報率更是在亞太區（包括日本）排行第一名。現時他在公司管理的基金，在過往八年來，累計連股息總回報為133%，成績相當驕人。在過去一年，他的基金跑贏大市，連股息計算，總共達五成回報率：「做了這麼多年基金經理，心得是有的，就是要懂得找到市場上最重要的轉變，發現市場上有價值的東西。部署方面，我們的策略一般是選擇把升勢過急的股票沽出，把資金調配在落後股份身上來配合市況。比方說重倉股騰訊，若果它跌破某一個支持位，我亦會做出適合的部署。」在本年度，Alex自覺基金仍有改善的空間，希望可以做得更好，他稱若市場變得瘋狂起來，策略就未必完全能配合；但若市況呈現慢牛格局，就將會賺大錢。
=================
【後記】
「炒股票要有自己嘅節奏 ，千祈唔好俾個市場帶著你走。」好欣賞Alex有自己嘅一套股市分析，但唔係每個人都可以跟得到，因為唔同專家有唔同嘅套路。而坊間炒牛熊證特別出色的少年股神——慳妹Vivian嘅「前世情人」方新俠自創關卡圖，連慳妹都跟唔到，更何況係普通嘅投資者呢？佢成日話叫我學多啲嘢跟佢上堂，我都冇時間，睇見佢賺錢賺得咁開心，我都費事打擾佢了。不過，都多謝佢全力支持我上次搞嘅大除夕倒數Party，叫咗好多學生嚟撐場。喺呢度，祝大家贏多啲錢，過年封大利是俾我。（方新俠，您懂的！）
