作者 : Sammy，畢業於英國赫德斯菲爾德大學工商管理學系。曾為職業魔術師及婚禮司儀，現以財技角度切入分析股票，破解莊家的障眼法。
全日本最好食嘅飯
各位讀者，依家睇緊呢篇文係筆者在日本時寫的，今次去大阪・堺市去搵已達88歲高齡嘅「煮飯仙人」村嶋孟，去佢開咗55年嘅大眾食堂「銀飯屋下戶亭」，位於堺市湊駅附近，湊駅步行過去只係10至15分鐘，佢煮嘅飯被日本人譽為全日本最好食嘅飯。2016年，佢更被中國商務部邀請到大陸交流一年，傳授煮飯技術，結果佢用咗差唔多一年時間先研究出點樣先可以用中國米煮出最好食嘅飯。佢喺大陸嘅嫡傳弟子喺深圳南山區開咗間日式飯堂叫「樂飯屋」，據稱完美複製煮飯仙人嘅煮飯技術。筆者日前親身試過，口感軟糯帶米香，絕對無誇大其詞。
注資再現曙光
言歸正傳，因為華誼騰訊娛樂（00419）一連出了兩份公告，所以更新一下最新情況。呢幾個月由0.38元左右大跌到現在只有一半價錢，而且成交疏落，眼見CCASS入面第四大持倉的雲鋒證券由8月19日8.16%每日不斷減倉，直至12月6日停止減持剩餘6.51%（已調整T+2），如果有跟進開呢隻股票嘅讀者一定會知道雲鋒證券持倉一直都是圍繞新主和舊主，兩年前賣殼時馬雲的雲鋒基金就將認購了的5.13%存放在雲鋒證券，而雲鋒證券前身瑞東金融就同舊主有千絲萬縷的關係。筆者一直都強調華誼騰訊娛樂要來個醜女大翻身，必要條件就係母公司華誼兄弟或者騰訊向其注入資產或業務，但一隻新殻要注入資產必需清走舊有「殼肉」；華誼騰訊娛樂分別有三大舊有「殼肉」，持股49%的海南衛視頻道、線上健康業務（已賣出）向線下健康業務。剛剛出的其中一份公告就宣布公司將海南衛視的49%以作價3.22億元賣給海南電視台，作為一件年年蝕錢的垃圾能夠賣出好價錢對公司來說實在有提振作用，而且公司現金即時增加至接近4億元，為日後注資提供了充裕資金。話口未完，第二份公告就係大陸華誼兄弟同華誼騰訊娛樂訂立協議，以作價4,000多萬元注入四部電影發行利潤分成，唔好睇個銀碼細，其實絕對為公司電影業務打強心針及結構性改變。
現在公司只剩餘線下健康舊有業務，經營北湖9號養生基地，主要和永恒策略（00764）承租，要極速賣埋佢都唔會係難事，加上手頭仲有3億多元，相信注資項目會陸續有來。
【權益披露：本人持有華誼騰訊娛樂股份】
Facebook專頁：財技戲法
