作者；戴聖慈(Sandy) 是工商管理傑出成就畢業生，也是國際認可的財富管理師及理財策劃司師，二十多年來帶領其團隊為高端客戶、企業客戶提供卓越的投資理財、風險管理、財富管理、遺產傳承方案等，現為面包台節目主持人。奉行享受人生主義的她，希望透過「戴出好滋味」飯局與一眾對食物品質有要求、有執着的老饕，分享世界各地地道美食，及高性價比的準米芝蓮推介和星級食肆。
第24站：滋味西餐盡澳門Maison One壹號公館
「戴出好滋味」飯局之澳門篇，瓹窿瓹罅搵好嘢食，嚟到澳門第五個飯局，這站就帶著4位香港嘉賓食客，來到澳門一間裝潢華麗、地方寬敞、食物多元化嘅「Maison One壹號公館 」，當然要食吓西餐。
《戴出好滋味》飯局澳門篇
「壹號公館」試食嘉賓食客名單：
（一）香港芙蓉粧美容中心創辦人兼營養師黃潔蓮 Amy
（二）天然染髮產品OPPO富保國際貿易創辦人柴東保 Richard
（三）永佳電業24味小電批發老闆娘黃鳯珠 Cora
（四）電子貨幣支付系統高管鄒偉樂 Calvin
海鮮拼盤
Maison One壹號公館董事總經理鄭炳良，首先為嘉賓食客奉上一個海鮮拼盤，分別有挪威三文魚、日本帶子、甜蝦和加拿大翡翠螺，配上青芥末和日本醬油。
天然染髮產品OPPO富保國際貿易創辦人柴東保Richard話，三文魚好肥美，好新鮮，甜蝦食落感覺很爽又鮮甜。而筆者戴聖慈Sandy，就好欣賞廚師好用心將翡翠螺的內臟污糟部分除掉，而且翡翠螺肥美又鮮甜，不需用力就可以拿出來吃，讓我們吃時好方便又放心。
煙三文魚配牛油果莎莎醬沙律
香港芙蓉粧美容中心創辦人兼營養師黃潔蓮Amy說，食過好多煙三文魚沙律，但今次覺得很特別，因他們用了牛油果加入沙律菜一齊來做。本身是位營養師又很喜歡食牛油果的Amy說道，牛油果可幫助人的心臟，因為牛油果鉀的成份量很高，同時可減低膽固醇，所以要食多啲。
鴨梨石榴沙律配藍芝士
電子貨幣支付系統高管鄒偉樂Calvin覺得這個沙律配搭食落很清新。加上Calvin本身很喜歡素食。配上醋和少少胡椒，味道很正，剛才遠看以為是薯仔，但原來是鴨梨。
永佳電業24味小電批發老闆娘黃鳯珠Cora話，這三個頭盤同鄭老闆送畀我哋支白酒好配，飲落口感覺支酒好滑。
葡式橄欖油蒜香蝦
Calvin讚這道菜好好味，因蒜蓉爆香在油裡面會溢出一些香辣的味道，蝦的味道好出，不禁問這道菜是怎樣煮的？
Maison One壹號公館餐廳經理王紫緹Debby介紹這道菜是剛出品的新菜式。先將蝦煎過，因煎過會帶出香味，然後再用大火炒，炒了之後，再用炒過的油去提升蝦的香味，最重要是蒜。
Amy覺得這個煮法都幾特別，因為橄欖油高溫一般都較難用來煮食，通常都是用來點麵包或伴醋。橄欖油屬於Omega 9，這油質可以令到身體減少發炎的機會，對我哋健康好有幫助。
法式香草牛油焗翡翠螺
Richard話這個翡翠螺好容易食，一拿出來就可以食，而且仲好好食，因煙韌得嚟可以慢慢嚼食到尾都覺得好juicy。
Calvin也讚這個翡翠螺彈牙得嚟不會感覺啜住個口，通常有好多人焗這個螺時會落過量的芝士或太肥膩，但這道菜就剛好又清，是我非常欣賞的地方。
Sandy講這道菜可以品嚐不同的味道。第一味食原味，第二香草芝士味。跟住最後嗰件，可以點旁邊的南瓜醬，甜甜地也可吊起螺肉的鮮味。
招牌西班牙海鮮燉飯 
Cora覺得嚟壹號公館食嘅西班牙飯好食過喺西班牙食。因有好幾次喺西班牙食是超級鹹，可能太鹹蓋過了鮮味，這裡的西班牙飯完全是鮮味，因為佢唔鹹，海鮮的汁滲晒落去啲飯度。用料也好足，分別有魷魚、蝦、帶子、龍利、藏紅花、洋蔥及蒜蓉。
龍蝦汁海鮮意粉
Debby介紹這道龍蝦汁海鮮意粉，顧名思義這個龍蝦是用新鮮龍蝦淆成個汁，這個餸不僅有龍蝦，還有很多不同的海鮮淆成個汁，而且在裡面差不多有10種海鮮，大家不妨試下，畀啲意見。
Richard話這個龍蝦汁海鮮意粉食落去真係帶出好鮮味，好重龍蝦味，雖然食了幾道菜都飽飽哋，但仍然覺得很想吃，同埋個虎蝦好大隻，另外意粉好彈口，不像一般的意粉煮出來腍晒。
炙烤加拿大豬扒
Cora比較鍾意這個質感比較煙韌和實淨，口感食落有豬肉味，同埋一路食一路有油滲出嚟，連肉一齊食很香。其實不用點醬，可能灑少少鹽和胡椒就已經夠了。
Richard形容食落去有爆汁嘅感覺，同埋這個廚師將豬扒醃得好正。咬落去感覺到個味在側面慢慢走出來，跟住食落去就散番走，他食個部位是這樣，但不知你們是否有一樣的感覺。
Sandy講道西班牙黑毛豬就較軟身，而這個加拿大豬扒質感比較重。同埋這個重豬味多啲，食完口裡仍留有豬味，再配杯紅酒就更將豬肉味提升出來。
美國特選戰斧牛扒1.8公斤
Calvin大讚這個五成熟的斧頭扒很有肉味，通常食三至五成熟，很多時食到啲筋，但在這裡食唔到，而牛汁跟牛扒肉都很好味，好滿足喎。
筆者Sandy也大讚這個戰斧牛扒好有牛味，做得好好，性價比也很高，鄭老闆定價相當吸引人的價格。香港嘅朋友鍾意來澳門想食牛扒，仲要係食斧頭扒，就要嚟壹號公館了。現賣推廣價五百多元，據我所知香港要賣過千至千到尾的價錢。
招牌自製優格芝士蛋糕
Debby話這蛋糕的秘密是用奧利奧餅乾、奶酪、酸奶和糖攪拌。Amy話乳酪好有益，對腸胃很好。Richard話有藍莓，賣相又靚。
又到這一站《戴出好滋味》澳門篇第五個飯局尾聲，不知四位香港嘉賓食客，對去澳門食這餐西餐，整體評價如何呢？
Cora：我就比較鍾意個龍蝦麵，因為完全感覺有龍蝦味，而且又唔鹹。我亦鍾意個斧頭扒，非常腍又不多筋，肉味出晒嚟，性價比高。五百多元有1.2kg真係抵食，一定要約幾個朋友一齊來壹號公館再食。
Richard：我都係鍾意食個斧頭扒，因我不喜歡食太生，因有些人鍾意食生啲，但我就鍾意有六成熟以上。我食到邊位有脆脆哋的感覺。而肉部分仍是腍身，完全沒有韌的感覺，又有紅、白酒飲，而這裡裝修又靚，真係無得頂！
Amy：其實我覺得這裡好溫暖。鄭老闆好親切，Debby介紹每一味餸都好清楚，招呼又好，今晚食嘅餸味味都好鍾意，但若果一定要揀嘅話，我就揀西班牙海鮮飯，我覺得這個飯幾特別，因為很難在別的地方吃到，味道又不鹹，可以見到廚師用了很多心機來煮，所以一定會介紹這個西班牙海鮮飯給朋友。
Calvin：今日真係一個好好的體驗，全部嘅菜式可以用澎湃來形容，因為份量特別大，而每一個餸都有豐富的地方，就好似鄭老闆想將每一樣美食好豐富地擺在碟上，這個就是他們特別的地方。首先就像斧頭扒有兩三隻手掌合埋咁大，五成熟又無筋，汁和紅酒都配搭得很啱味。另外海鮮拼盤又正，跟朋友一齊食又開心。嗰個法式香草牛油焗翡翠螺焗出嚟又唔膩，酒配食物又配搭得啱啱好。真的要多謝《戴出好滋味》，邀請我來到澳門，食到咁高性價比又好滋味的西餐，令到我下次來澳門有西餐的選擇。
好消息，炒股幫讀者只須在以下《戴出好滋味》Facebook專頁點Like，便可在澳門「Maison One 壹號公館」，享有九折優惠。
