P2 財技掩眼法
作者：Sammy，畢業於英國赫德斯菲爾德大學工商管理學系。曾為職業魔術師及婚禮司儀，現以財技角度切入分析股票，破解莊家的掩眼法。
Facebook專頁：財技戲法
=======================
題目：現市況每日成交量大嘅股加分
以前筆者一向都鍾意買啲長期處於低位又同時無乜成交嘅股票，第一貪佢夠乾身、第二係個莊都未入場就可以食到最大利潤，但都係大部分如此而，並唔係定律。有時無乜成交嘅股票未必係乾，好有可能散戶佔比都好大，只係所有人都因為無成交或者擘價太闊沽而唔到；莊家未入唔代表一定會入場，當然要配合相關財技，睇公告就會發現一啲蛛絲馬迹，莊家遲遲唔入場都可以有種種原因：老闆賭場「擒枱」輸大咗、資金鏈出現問題、政治因素畀人拉咗或者要被迫低調等，正如靚女未必係好，有可能生沽唔檢點、衰格；靚仔唔靚仔都一定當佢無本心，揀股票都係假定佢係衰股票，再搵啲無咁衰同埋搵啲正嘅亮點出來。
世界在變，股票市場亦如是。依家股票市場可以話係好多炸彈，係睇下邊個粉皮唔小心「奶」中，大家可能會發現依家好多股票都係無乜成交，筆者就會避開唔買，假設不幸持有就維有忍痛沽出或者繼續維持有，因為極有可能嘅原因係老闆「無水」或者啲「水」落唔到嚟香港，好多啲呢啲公司都會失驚無神爆幾支大陽燭上去橫行就要小心喇，如果無咩消息配合嘅話九成九點九都係踢個價上去按股票借錢，因為依家市場係一定貨多現金少喇。呢啲公司除咗真係有實質生意需要周轉，如果唔係一年玩十幾廿厘米色仲要個個月還都未還到個本，隨時資金斷或者老闆著草是閃人又洗倉。
所以尤其係呢啲市況筆者啲客會揀啲每日成交500萬元以上嘅股票，貪佢成交大。因為每日要咁樣打成交「市值管理」費都唔少，證明個老闆水喉仲夠粗；正如一個女仔第一次約會，條仔帶你食車仔麵或者要AA制，你心入面都一定扣唔少分。
今期無咩心水，真係要買就加啲嗰隻出前一丁，日清食品（01475）。
【權益披露：本人沒持有上述股份】
Facebook專頁：財技戲法
