作者：Sammy畢業於英國赫德斯菲爾德大學工商管理學系。曾任職業魔術師及婚禮司儀，現以財技角度切入分析股票，破解莊家的障眼法。
跟進三盛中星 分享單纜大法
三盛控股終於公布2017年全年業績，大失一眾股友所望，當日更大插水一度低見13.26元，有唔少人Facebook發信息過來大呻跌得過多，不過臨近收市已經逐步回升至14元水平。其實，三盛由今年初的10元踢高至52周新高14.8元，升幅已高達48%，現在只是因為業績虧損收窄，未能反映實際盈利能力而單日振倉而已，所以根本不用怕。以上周五（3月16日）收市價13.98元計，市值已達58.59億元，明顯三盛是要打進「深港通」，而且全購後注入資產項目已過百億，加上乾度計街貨只有區區2%至3%，散戶要購買一手都要將近三萬元。中船防務（00317，前身廣州廣船）當年踢高至10萬元一手，要挾上百億絕不是難事，因為一但躋身百億房企，就會方便三盛將來融資做大做強。
記得筆者曾經有推介過中星集團控股（00055），股價至今一直沒有起色，但筆者對其看法不變，近日公司公布一單非常重大出售，集團將出售位於深圳市龍崗區一土地及工廈，該工廈為集團印刷業務大本營，雖然集團聲稱深圳勞工成本高，會將生產基地轉移至集團位於清遠市清城區的土地；但只要細讀該公告後半部分「未來計劃」提到公司視乎市況，可能將清遠市兩幅土地出售，另外亦考慮逐步出售粉嶺物業和迷你倉業務。睇到呢度，筆者腦海閃過兩個中文字：清殼。
上期預告同大家分享嘅搵錢方法，依家即刻開估：就係「單纜投注法」，但呢個單纜不同坊間一般賭纜，絕對係一個完全合法兼可行嘅搵錢方法。首要條件你要在香港馬會有一個網上投注戶口，先準備164,020元存入戶口，然後只買入球單。假設當日第一個時後12:00pm有五場足球，我就會選擇呢五場嘅第一張買入球單20元，買入後就咩都唔理，等13:50pm睇賽果，如果賽果為單數，下一個時段我會繼續下注20元；假設賽果為雙數，下一個時段會以50元、150元、450元、1,350元、4,050元、12,150元、36,450元、109,350元下注，有一點要注意係無論連輸了多少口之後賽果係贏了，之後再下注係一定要由頭再來，即係20元買起，假如你連輸了四注，第五注下注1,350元而假設賽果勝出，下一口買一定要變回20元。
首先，賭場有限最低投注額，所以買纜係無可能的，而且大細纜機會率不是50%，因為有圍骰通殺；馬會買入球單賠率通常係1.9倍，比入球雙數抽水少，賽果只會有單或雙，加上最低投注額只要10元，大大降低了入場門檻。其實第一口下注是10元還是20元都沒有問題，因為連輸愈多之後贏才有意思，164,020元這個資金設定係可以連輸八口，連輸九口機會率係0.195%；穩陣嘅朋友可以唔買，而等賽果出了連輸兩口先買第一注，咁樣連輸11口機會率只有0.0488%。呢個方法本多就會贏，唯一缺點係要不斷較鬧鐘起身落注。
【權益披露：本人持有三盛控股股份】
