招財密碼
潘啟才（Phemey），測量師出身，試過輕輕鬆鬆年薪過百萬，亦試過胼手胝足地創業。後來發覺幫人做成生意最過癮，成功拉攏買賣雙方便穩袋幾百萬，至此「通天經紀」之名便不脛而走。眼光準、膽量大兼且身體力行，搞炒股投資班大賺一筆之餘，亦計劃大搞創業班，矢言教授云云打工仔、待業青年、大學生無本生利，財來八方的本事。
【標題】細細粒但唔容易食嘅中邦園林環境
今次要介紹呢隻新股中邦園林環境（01855）。12月128日星期一截止認購，1月6日正式上市。招股價1.9至2.42元，每手2,000股，入場費4,888.77元。以上限價2.42元計算，市值約6.66億元。市值算係細。中邦環境成立於2008年，是一間園林及生態修復項目服務提供商，主要係係東北三省做生意，市場份額在東三省生態修復行業公司中排名第一及於園林行業公司中排名第二，市場份額分別約為6.7%及1.3%。在全中國則分別約為0.08%及0.58%，睇上去都幾微不足道。
這間公司近幾年的經營情況就咁睇都勉強可以。2017年至2019年，中邦環境的收益由6.55億元增至8.97億元，複合年增長率為17%；同期淨利潤由2017年的5,203.1萬元增至2018年的7,081.3萬元，但在2019年萎縮至4,945.3萬元。上市後市盈率大約八倍，估值唔高。
但是，中邦環境既財務狀況就幾危危乎。園林行業及生態修復行業一個項目一般需要數月或數年才能完成，通常都要承包商自己墊住錢先，等搞掂哂所有野先可以收足錢，前期投入大而數期長。
而中邦環境90%以上收入都是來自當地公共部門，而公共部門項目既規矩特別多，導致檢查、驗收及結算流程所用的時間都較長。2017至2020年第一季，中邦環境應收款項總額的周轉天數分別為約457.5天、492.6天、520.1天及715.2天。姐係要拖成兩年先收到錢!
所以呢間公司的現金流壓力非常大。現金由2017年的1.19億元減至2018年的5,523萬元，雖在2019年有所反彈，卻在2020上半年縮至3,694.1萬元；與此同時，負債都愈黎愈多，2017至2020年第一季未償還貸款分別達4.63億元、5.16億元、4.95億元以及5.38億元。如果以下限價計算，間公司既負債仲大個市值，唔怪得要上市集資啦！
睇埋個保薦人資料。呢間公司的保薦人過往冇咩project，最近保薦既股票仲要未正式上市就玩完，而呢隻中邦環境各方面都冇咩賣點，Cap水味濃，大家最好都係留現金等下個機會好過喇！
