作者：沈寧（Eric），飲食狂人，食盡天下奇珍異獸。
中菜館「飯飯店」
位於佐敦站同柯士甸站中間的中菜館「飯飯店」，味道確如其名「飯飯」掂！
餐廳大廚由經驗豐富的中菜大廚烹調，質素自然保證，除了有一般大眾小炒外， 仲有啲有創意的菜式。
芥末牛柳粒
用咗洋葱、青瓜做底，加上主角牛柳粒，上面鋪上甜甜地的wasabi芥茉醬又唔太辣開胃又好味。
芝士海皇焗西蘭花
翠綠的西蘭花配上濃厚芝士醬，然後放入焗爐10分鐘，香濃芝士醬完全滲曬落西蘭花再加魷魚、大蝦等海鮮非常滋味。
黑椒蜜汁炸德國脆皮豬手
豬手皮脆肉嫰，黑椒及蜜糖為佐料，口感帶有點辣又有點甜,再食埋上面炸蒜就更顯惹味。
金沙白飯魚
用咸蛋黃炸白飯魚，咸蛋黃沙沙的口感完全蓋住熱辣辣的白飯魚，配啤酒一流。
大良炒鮮奶
懷舊順德菜，鮮奶炒得幾香滑同夠蛋味，若加點醋會更好食。
