作者：沈寧（Eric），飲食狂人，食盡天下奇珍異饈。
大煲皇雞煲之皇
今期要介紹係位於長沙灣天悅廣場的大煲皇，大煲皇係首間將深圳雞煲引入香港的一間火鍋店，剛剛推出時候，可謂日日都要排長龍先可以品嚐到，簡直係一煲難求!
來到大煲皇當然一定要先試佢地招牌麻辣雞煲，餐廳用新鮮雞烹調，加入大量洋蔥、雜菇、莞茜等十多香料配製而成，簡直香氣撲鼻，食完雞就開始打邊爐，因為餐廳係用新鮮雞烹調，所以加入清湯後，仍然保存一份香濃雞味！至於火鍋配料方面，今次就試了幾道招牌配料分別有：章紅活魚刺身、牛胸爽、即炸嚮鈴、安格斯牛頸脊、象拔蚌刺身等。章紅魚是鹹水魚，其蛋白質和亞麻酸及各種氨基酸非常豐富，其肉質鮮美清脆、爽口、咬勁好，是魚生的上等原料！牛胸爽——我最喜愛的，看上去像脂肪，但入口像軟骨而牛味濃兼爽口，好吃。即炸嚮鈴——廚師即叫即炸，香脆鬆軟，配甜酸醬汁，口感一流，另外象拔蚌刺身、安格斯牛頸脊非常新鮮超正。
