作者：沈寧（Eric），飲食狂人，食盡天下奇珍異饈。
巧手粵菜 御廚工房
周六（6月9日）晚上經過深水埗青山道，發現開了一間新的粵菜小館——御廚工房，喜歡食粵菜的我，當然非試不可，打開餐牌，發現很多傳統的粵菜，老闆介紹了幾款王牌推介：
金銀菜燉白肺湯——大廚採用新鮮豬肺加四小時烹燉，老火靚湯，味道甘甜，豬肺處理得非常乾淨，而且用料十足，一煲靚湯！
銀山火焰桶蠔——賣相相當吸引，用火燒著錫紙圍好的桶蠔，桶蠔鮮味肉厚，大廚以三蔥爆炒，令蠔非常冶味，而且份量又多，不可不試。
川式水煮桂花魚——呢個水煮魚，係我食過最滑嘅水煮魚！師傅用上新鮮嘅桂花魚，原條起片，水煮汁內有20多款香料，麻同辣都好有層次，一啲都唔油膩，而且仲選用闊身川粉，除咗喺成都食過，香港都係第一次食到，闊身川粉口感煙韌冶味，絕對值得推介！
黑椒粉絲娃娃菜——簡單一道炒菜加了黑椒和蝦米，提味不用花太多，味道已經很清香，而且大廚炒得很乾身，讓這道菜香甜又好吃。
秘制銅盆雞——大廚採用新鮮頂級黃油雞起骨，再切細件放在銅盆，加入紅棗、木耳來蒸，鮮香四溢，坊間蒸雞會用瓦煲或不銹鋼碟，用銅盆則可讓雞件均勻受熱，香味更為持久。
冰震咕嚕肉——這咕嚕肉比平常的大少許，咬下去外凍內暖，最難得的是表皮勁脆，因為埋在冰裏面，所以只有表皮掛有醬汁，但味道仍然調校得恰到好處。
